محمود ياسين الحفيد عن طقوسه ودوره في الفتوة في تصريحات خاصة

إعداد وحوار / دعاء نصر 

محمود ياسين الحفيد الفنان الصاعد الذي ورث موهبة التمثيل أبا عن جد مثلما يقال ، وهو ليس عن الأب والجد فقط لكنه أبن عائلة فنية من الطراز الأول ، أكد أنه منذ فترة طويلة وهو يطلب من والده أن يدخل مجال التمثيل، لكن واجه رفضا منه ومن الأسرة كلها، وذلك بسبب الخوف عليه من صعوبات المهنة والضغط الكبير الذي يتعرض له من يمتهنها.

رفض عائلته خوض تجربة التمثيل هو سبب تأخره في خوض التجربة، ومع إصراره قرر والده أن يجري له تجربة أداء برفقة أحد الأشخاص، وعندما أدرك أن لديه موهبة التمثيل وافق، لأنه لم يرد أن يكون السبب في تعطيل مسيرته عن أمر يحبه ولديه موهبة فيه.

حيث صرح لأحدى الصحف قائلا “أسرتي مكانوش حابين ادخل المجال ده لأن صعب مش زي ما بيبان للناس، وده اللي اكتشفته بعد كده بالتجربة”.

ما الأجواء الخاصة والطقوس التي تداوم عليها في شهر رمضان الكريم؟

الاجواء الخاصه والطقوس اللي بداوم عليها في شهر رمضان اول يوم طبعا بنفطر كلنا العائلة مع بعض عند جدتي هم وبنجتمع وكده يعني ودائما اشترك في دورات رمضانية في المسلسلات والصلاة واهم حاجه الصلاة والصيام وكنت بحب السحور بره الفطار بره كل الحاجات دي اساسيه يعني في طقوس شهر رمضان ايه .

ايه الحاجات اللي كنت بتحبها فى رمضان زمان افتقدته في رمضان دلوقتي ؟

الحاجات اللي كنت بحبها في رمضان وافتقدها دلوقت لا كل حاجه كنت بحبها في رمضان معتقدش السنة دي رمضان السنه دي جاي مختلف عن كل سنة كل حاجة كانت بتحصل في رمضان مش هنقدر نعملها السنه دي ولا لا كل اللي قولته ده العزومات الكوره الفطار السحر بره كل ده هفتقده

إيه أكتر أكلة بتحب تاكلها من وانت صغير أول يوم رمضان ؟ واكتر اكلة بالنسبالك بتميز رمضان ؟

يعني بحب اول يوم رمضان آكل حمام وممبار دول أكثر اكلتين بحبهم اول يوم رمضان اكلات بقى بيتميز رمضان في الكنافة في الكركديه يعني الكركديه وشربه في رمضان بس مثلا .

هنشوف الفنان الشاب محمود ياسين في رمضان في أيه ؟

في رمضان ان شاء الله هتشوفوني في الفتوه يارب يعجبكم ،
بعمل فى المسلسل إبن الفنان رياض الخولى فتوة المدبح، وبحب “نورا” وهى ابنة الفنان ياسر جلال بتأدي الشخصية ليلي أحمد زاهر ، وبنواجه الكثير من المشاكل بسبب العداوة بين والده “رياض الخولي “، و ياسر جلال .

أكتر حاجة في التلفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

يعني اكتر حاجه كانت بتحسسك لما بتتفرج عليها في التلفزيون بكار ممكن وانا صغير رمضان كان بيديني روح رمضان اللي بيتقدم في رمضان حاليا من 10 سنين مسلسلات مستواها حلو جدا بس السنه اللي فاتت كان مستوى اقل من اي سنه .

تفتكر هيكون في تراويح ولمة العيلة السنة دى ولا الوضع اللى احنا في بسبب كورونا هيستمر ؟

اتمنى يكون ان شاء الله في تراويح وصلاة السنة دي ده تمني بس انا شايف ان الموضوع لسه مطول معنا شويه بس باذن الله ربنا طبعا ممكن يعمل اي حاجه .

محمود ياسين تحب تقول أيه لمحبينك وللشعب المصري بمناسبة قدوم شهر رمضان ؟

أقول رمضان كريم للناس كلها ويا رب دوري ان شاء الله في الفتوه يعجبكم و تبقى بدايه حلوه لي في اول عمل لي في رمضان السنه دي .