مروة عبدالمنعم تتعرض للسرقة… تفاصيل 

كتبت / مادونا عادل 

أعلنت الفنانة مروة عبدالمنعم تعرضها لعملية سرقة مالية، حيث تم سحب مبلغ كبير من بطاقة المشتريات الخاصة بها.

وكتبت عبدالمنعم عبر فيسبوك: «أنا فى مشكلة ومحتاجة أهل الخبرة يفيدونى، دلوقتى اتعرضت لعملية سرقة، اكتشفت إن فيه حد سحب مبلغ كبير من فيزة المشتريات بتاعتى، والغريب إن الفيزا معايا طول الوقت، واتفاجئت إن البنك اتصل بيا وسألنى إذا كنت عايزة أقسط المبلغ اللى اتسحب، لما قولتله إنى ما سحبتش أى حاجة، أكدلى إن فيه مبلغ اتسحب من الفيزا، فورًا عملت شكوى ووقفت الكارت».

وتابعت «دلوقتى مش عارفة أعمل إيه عشان أعرف عملية السرقة دى حصلت إزاى، وإزاى ممكن حاجة زى دى تحصل، والكارت معايا، ومافيش حتى OTP وصلنى على الموبايل».

وتابعت: «البنك عايز منى أسدد المبلغ، وأنا عايزة أثبت إنى ما سحبتش أى مبلغ، حد ممكن يفهمنى إيه الإجراءات اللى ممكن أعملها؟!».