- مشاعر تهدك مشاعر تذلك .. بقلم / جيهان عكاشة
- مشاعر تتوه طريقك لا يمكن تدلك مشاعر ترافقك تمام زي ضللك
مشاعر تهدك .. تتوه طريقك لا يمكن تدلك مشاعر ترافقك تمام زي ضللك
مشاعر تهدك .. مشاعر تذلك
تتوه طريقك لا يمكن تدلك.
مشاعر ترافقك تمام زي ضللك
لا تعرف حدودها زمان أو مكان
مشاعر تحاول تقاوم سمومها
بتعشق ريحتها وتدمن نسيمها
بكل المواجع وربك عاليمها
بيدمنها قلبك وبيقول كمان
مشاعر تفاجئك ومش ده أوانها
بتحلم تعيش جمالها وجنانها
بتتمني فيها دفاها وحنانها
لكن مش هتاخدك لبر الأمان
مشاعر بترميها بين السطور
تفتفت بكل كيانك صخور
ونبضك بقلبك بتلقاه طابور
كأنك بتعزف له ناي أو كمان
مشاعر ماتقدر تقولها لحد
سؤالك في قلبك مالوش أي رد
وبينك وبينها 200 ألف سد
وتجتاح ضلوعك سيول أوطوفان.
وبنعيش ندور في دايرة مشاعر
نشرق نغرب نقاوم نسافر
ومهما بنهرب ومهما نعافر
بتلحقنا مهما قفلنا البيبان
