ملخص الحلقة 11 من مسلسل فهد البطل 

كتبت / مادونا عادل عدلي 

وفاء كانت قاعدة مع ابنها عمرو وبتقول له انا عايزه اقول لك على سر بس تحلف على المصحف انك ما تجيبش سيره لحد وخاصه غلاب ولسه هتحكي له غلاب فتح الباب ودخل عليهم وقال لها سر ايه بقى اللي عايزه تقوليه لعمرو من ورايا ولا انتم دلوقتي في ما بينكم اسرار وانا مش هعرفها وفاء بتقول له اسرار ايه بس ده انا بساله عن الجواز والعروسه وعمرو بيقول لهم طيب انا هعمل كام تليفون للشغل وبيسيبهم ويمشي وبعد كده غلاب بيسال وفاء تاني سر ايه اللي عايزه تقوليه لعمرو وهي بتقول له ولا سر ولا حاجه هو زي ما انا قلت لك كده كنت بساله عن الجواز والعروسه

توفيق التمساح بيقول لفهد انت تاخد حاجتك وتدور لك على اي حته تانيه تاكل فيها عيش وفهد بيقول له ليه بس يا توفيق بيه انا اعتذرت لك عن اللي حصل في المنيا وقلت لك والله مش هتكرر تاني وتوفيق بيقول له لا ثانيه ولا ثالثه انا ما باكلش من الكلام ده ويكون في معلومك لو في كلمه سمعتها هنا كده ولا كده ورحت قلتها بره الدبان الازرق نفسه مش هيعرف لك مكان سلمى المفاتيح بتاعه العربيه وامشي

ريكو بيخرج مع راويه هو وابنه وبعد كده بيقول لراويه بقول لك ايه هي كده بقت خلصانه انا هطلب ايدك من فهد اخوك وراويه بتقول له ما تستنى شويه وريكو بيقول لها استنى تاني ده انا مشدود لك من اول لما عيني شافتك وراويه بتقول له الصح برده بيقول ان احنا نستنى افرض يعني بتهرب من حبك لنوال بيا وريكو بيقول لها نوال قطعت مكان ما ذكرت والله العظيم ما بكره حد قد نوال دي قلت ايه بقى يا راويه 

وراويه بتقول له اللي يشوفوا فهد ويقولوا انا موافقه عليه

اسيا بنت توفيق التمساح راحت لدكتور علشان يعمل لها اجهاض للطفل اللي هي حامل فيه وبعد كده الدكتور خرج اثناء العمليه بيقول لصاحبتها اني اسيا حصل لها النزيف ولازم تتنقل المستشفى حالا وبعد كده صاحبتها بتكلم نادر اخوها وبتقول له الحقني ولما نادر بياخد المعلم توفيق وبيروحوا المستشفى الدكتور بيقول لهم الحمد لله هي دلوقتي بقت بخير سيطرنا على النزيف والجنين برده بخير ونادر بيقول له انت بتقول ايه جنين ايه ونزيف ايه انت واعل اللي انت بتقوله والدكتور بيقول له ايوه المريضه كانت بتحاول تجهض نفسها ونادر كاين عايز يدخل يقتل اخته واخوه بيقول له اهدى لدى وقت ولا ده مكانه ونادر بيقول له بنتك لبستنا طرح يا حاج

بعد لما ريكو وراويه رجعوا من بره اول لما ريكو دخل المنطقه الشرطه جت قبضت عليه ولما بيحاول يفهم هو في ايه بيقولوا له ان طليقته رفعت عليه قضيه خطف للولد وكمان اتهمته بسرقه فلوس منها

كناريا راحت لراويه البيت علشان تتكلم معاها في اللي حصل وبعد كده فهد دخل عليهم وبيقول لها انت تاني انت ايه اللي جابك هنا وكناريا بتقول له انا جايه لحد عندك اهو واعمل ما بدالك بس استنى اسمع مني انا عارفه ان انا غلطانه بس انا كنت خايفه اقول لك ان انا مطلقه ومعايا بنت تسيبني وبصراحه انا ما كنتش متاكده انت كنت هتيجي تخطب لي فعلا ولا لا يا فهد والله انا بحبك اشهد ربنا ان انا لا حبيت قبلك ولا قلبي داء الحب غير لما عرفتك وفهد بيقول لها طب ليه كتبت بنتك باسم ابوكي وامك وهي بتقول له علشان طليقي لما يطلع من السجن ما ياخدهاش مني

كناريا وهي خارجه لقت في وشها طليقها واللي بيقول لها وكمان جايه ليه لحد بيته وفهد دخل عليه وبيقول له بقول لك ايه هو انت مش طلقتها والموضوع خلص على كده عايز ايه منها تاني وطلاقها بيقول له ابعد انت اخينا عن الحوار ده علشان ما تتاذيش وفهد مسكوا ضربه ونزل بيه الشارع فضل يضرب فيه لحد لما طليقها خد بعضه وطلع

فهد كان واقف في الشارع هو هو وراويه وكناريا ودخل عليه عم رمضان ابو ريكو وهو مستعجل وفهد بيقول له في ايه يا عم رمضان وهو بيقول له الشرطه قبضت على ريكو يا فهد بعد لما نوال طليقته رفعت عليه قضيه انها خطفت الولد

وبعد كده اتنين راكبين موتوسيكل ولابسين ماسكات واحد فيهم نادي على فهد وقال له يا فهد يا بطل وراح ضربه طلقه بمسدس

الظابط بيقعد ريكو و نوال قدام بعض وبيقول له انها رافعه عليه قضيه انه خطف ابنه وريكو مستغرب وبيقول له في حد بيخطف ابنه يا باشا والظابط بيقول له ما هي لما تبقى امه حاضنه وانت تاخده بدون معرفتها ده اسمه خطف وريكو وبيقول له والله يا باشا ما حصلش الكلام ده انا الواد جالي هربان منها بسبب مشيها البطال لما دخلنا عليها انا واهل الحاره وشفنا عندها واحد وقالت انها متجوزه عرفي والظابط بيقول له عندك دليل على الكلام ده وريكو بيقول له عندي بدل الشاهد 1000 يا باشا اهل المنطقه كلهم كانوا حاضرين ايه رايك نجيب الناس ونعمل قضيه ولا هتعملي ايه ونوال بتقول له لا يا باشا ياخذ ابنه بس يمضي لي على ما محضر عدم تعرض

الدكتور بيطمن اهل فهد ان الطلقه جت في كتفه وهو دلوقتي تمام

وبعد كده بيدخلوا له وكناريا بتقول له الحمد لله على سلامتك يا ريت الطلقه جت فيا انا يا حبيبي 

وفهد بيقول لها حبيبي طب يا ريت ناخد طلقه كل يوم بقى علشان نسمع الكلام الحلو ده

وكناريا بتقول له لا بعد الشر مش كفايه خضتني عليك

وفهد بيقول لهم ربنا يخليكوا ليا كلكم حقك عليا ياما حقك عليا يابا انا عارف ان انا غلطت في حقكم وقلت كلام ما ينفعش اقوله سامحوني بس وكتاب الله انا ما عندي اغلى منكم

وابوه بيقول له حمد لله على السلامه يا ابني انا نجاتك عندي دي بالدنيا وما فيها

عدنان بعد لما هرب من نادر التمساح طلع هو اللي باعت سيد اخوه يقتل فهد البطل وسيد اخوه بيقول له اطمن انا خبطته الطلقه ومتاكد انها رشقت منه بس سالت عليه وعرفت انه نفد منها ولسه عايش وقعدنان بيقول له انا مش هرتاح غير لما الولد ده يموت احنا لازم نبعت حد ثاني يخلص وسيد بيقول له نبعت حد ايه الحكومه موجوده في كل مكان وكده هنتكلبش الصبر بس وكل حاجه هتتحل.

نادر حاول يقتل اخته بعد الكارثه اللي عملتها وابوه دخل عليه ومنعه من اللي هو بيعمله وبيقول له اللي انت بتعمله ده مش حل الحل ان احنا نجيب الولد اللي عمل كده ونجوزهم وفضلوا يضغطوا عليها علشان تقول اسم الولد وهي بتعيط ومش عايزه تقول اسمه

وبعد كده نادر وابوه جابه صاحبه اسيا وفضلوا يضغطوا عليها ويهددوها علشان تقول اسم الولد اللي اسيا كانت ماشيه معاه وهي في الاول ما كانتش عايزه تقول لكن لما هددوها قالت لهم ضياء ابن فايزه الشبح وكانوا متجوزين عرفي وامه لما عرفت قطعت الورق

نهايه الحلقه بطريقه جامده جدا

ريكو راح لفهد علشان يطلب ايد راويه منه

وفهد بيقول له نعم راويه مين اللي انت طالب ايديها…؟ 

وريكو بيقول له راويه اختك وبعدين انت عارفني هو عارف ان انا لا ليا في الشمال ولا المشي العوج

وفهد بيقول له انت اتجننت يا ريكو ولا ايه انا ما عنديش بنات للجواز

وريكو مصدوم وبيقول له ايه الكلام ده يا فهد انت بتقول الكلام ده لصاحبك

وفهد بيقول له صاحبي وصاحبك على القهوه لكن معلش يعني يا قلب اخوك انا لاكل جدعنه ولا هشرب صحوبيه

انا اختي مربيها على ايدي من وهي صغيره وعايز لها جوازه ملوكي وانت يعني يا صاحبي معلش من غير زعل حالتك حاله مطلق ومعاك عيل وطلاقتك مبهدلاك وفوق كل ده انت رد سجون

وريكو بيقول له طيب ما انت كمان وفهد بيقاطع وبيقول له يا عم عارف ان انا كمان رد سجون بس انا عايز لاختي حد احسن مني 1000 مره

وراويه بتطلع لفهد وبتقول له مش تجيب صاحبه الشان وتسالها الاول مش يمكن اكون موافقه

هو في ايه يا اخويا هو في ايه بتبيع وتشتري فيا كده ليه كاني جزمه قديمة ملهاش لازمه عندك

في الاول بتقول كنا بنتقابل من وراك وما يصحش وبنعدي الاصول واهو الراجل جه لحد عندك وبيطلبني منك عايز ايه عايزني اقعد جنبك واشوفك وانت بتحب في السنيوره بتاعتك، وفهد اول لما بيسمع منها الكلام ده بيضربها بالقلم