ملخص الحلقة 19 من مسلسل «سيد الناس» 

كتبت / مادونا عادل عدلي 

في بداية الحلقة مجدي بيروح للجرحي وبيقول له بيوجع فراق الحبايب والجرح بيقول له انت اللي قتلت ابني يا مجدي

ومجدي بيقول له عيب عليك مش مجدي ابو العباس اللي يقتل ابن اخوه

والجرحي بيقول لمجدي طلعني يا مجدي روح قول لي وكيل النيابه ان انا ما عملتهاش عايز اغسل ابني وادفنه واخذ بحقي

ومجدي بيقول له لا وانت عارف ان انا هقول لك لا والا ما كنتش هتتحايل انت تموت ولا انك تتحايل يا جرحي وانت عارف انا بقول لك لا ليه اهو مش معقوله الصورة تتقلب وانت تقف مكاني وتتحايق وانا بردها لك يا ابن ابويا

والجرحي بيقول له انا كنت بحميك يا مجدي انت كده بتظلمني

ومجدي بيقول له ما كانش فارق ليه جرحي ما كانش فارق لي انك تحميني

وقفت لك على الشط وقلت لك سيبني يا جرحي احضر جنازه مراتي مديت ايدك عليا وشلتوني انت ورجالتك ورميتوني في المركب وشحنتني على اوروبا وما صعبتش عليك ولا فرق لك وجعي

والجرحي بيقول له انت ولعت في بيت سليمان لولا ان انا سفرتك وقتها الحكومه كانت هتقبض عليك

ومجدي بيقول له انت كداب يا جرحي انت كنت خايف على فتحيه مني

انت كنت بتسفرني علشان ماقتلهاش كل اللي كان فارق معاك فتحيه انت حبيتها اكتر من اخوك

فاروق بيستغل موت ادهم وبياخد رجاله وبيطلع على المنجم وبيثبت رجاله المعلم رشدي اللي كان سايبهم بيحموا المنجم وبيربطهم وبيستولى على المنجم لوحده

فتحيه هربت من عند راجيا وضربت الحارس على دماغه واخذت منه السلاح بتاعه وفتحت خزنه راجيه قبل لما تهرب واخذت كل اللي فيها وكان فيها مليون جنية

امنه بتاخد اسر وبيروحوا عند بيت ابوها واسر بيقول لها احنا بنعمل ايه هنا انا عايز ارجع ابات في اوضتي انا وادهم وامنه بتقول له خليك جنبي يا حبيبي مابقاش في حاجه في البيت ده نروح ليها خلاص ابوك مش عارفين هيحصل له ايه واخوك خلاص راح لربنا واسر بيقول لها رشدي راح عند ربنا وما سيبناش البيت ليه نسيب البيت لما ادهم مات احنا لازم نكون في البيت علشان لما اروح وتيجي يبقى كلنا موجودين

وامنه بتقول لابوها كنت بسال ادهم وبقول له هو في حد ممكن يشاركني قلبك وهو بيقول لي فشر ياما ما حدش هيزاحمك في مكانك يا غاليه اعوض عليا الحب اللي حبيته لابوه وما اخذتش منه وراه حاجه ادهم كان هو العوض وقله الحيله والاحساس ان انا ولا حاجه كان هو الوحيد اللي بيحسسني اني كل حاجه اعرف يابا مش اسر هو الصغير بس ادهم هو اللي كان على الحجر

منه لله الجارحي انا مش طايقاه ولا عايزه ابص في وشه ربنا ينتقم منه

واسر بيقول لها ليه بتقولي كده على الجارحي

وابوها بيقول لها ليه بتقولي كده يا بنتي ده جوزك ابو عيالك مايصحش تقولي عليه كده كفايه اللي شافه منه اخوه والذل اللي حس بيه لما ماعرفش ياخد عزاء ابنه

وامنه بتقول له احسن يستاهل دي فتحيه كانت عايشه معاه العمر ده كله انا لو من مجدي اقتل فتحيه واقتله هو كمان

واسر بيقول لها انا بسالك انت ليه بتقولي كده على الجارحي وامنه بتقول له علشان ابوك ده ظالم

سناء بتقول لمجدي مش كفايه بقى يا ابني وتروح تطلع اخوك مش عملت اللي في دماغك وخدت حقك منه روح طلعه بقى ومجدي بيقول لها تصدقي يا سناء انا اول مره اخذ بالي من الموضوع ده دلوقتي حالا انت عمرك في حياتك هنا في البيت ما دفعت عن حد غير الجارحي ولا اتدخلت لحد غيره مش غريبه دي شويه مع انك شغاله عندنا كلنا انا وعفيفي الكبار وعاليه الصغيره بس دايما بتدافع عن الجارحي ودايما هو بس اللي في عينيكي وسناء بتقول له يا حبيبي كلكم ولادي وحبايبي وطول عمري بعماملكم كلكم زي بعض

ومجدي بيقول لها لا مش صح يا سناء انا دلوقتي بفتكر حاجات كنت بتعمليها غريبه لما ابويا كان يقلب علينا ويضربنا كنت تجري على الجارحي تاخديه في حضنك وتخبيه هو بس لو اعتماد عملت اكل وحش تطبخي انت للجارحي وتاكليه لوحده لما ابويا قال له هتقعد من المدرسه وتشتغل معايا موت نفسك من العياط كان عيل من عيالك ميت لك

مش واخده بالك غير من اسر وادهم ما فيش في حياتك غير الجارحي وعيال الجارحي

وسناء بتقول له يا ابني يمكن علشان انتم امكم موجوده لكن هو هو حتى ما يعرفش مين امه وطول عمره ما فيش حد جنبه خالص من ساعه لما جه الدنيا

ومجدي بيقول لها ما تكونيش انت امه يا سناء

ابويا قل بعقله وعملها مع الخدامه وسناء بتقول له عيب عليك عيب عليك اللي انت بتقوله ده يا مجدي انا عشت بشرفي العمر كله وابوك كمان ما كانش له في الحرام

ومجدي بيقول لها هو مين ده اللي ما كانش ليه في الحرام

ده من ساعه ما مات ما شفناش منه غير حرام في حرام

هيجرى ايه يعني لو كمل البوم الحرام بتاعه معاكي

وسناء بتقول له كل ده علشان قلت لك طلع اخوك طلعتني خطيه وطلعتني ام الجارحي بس انا برضه مش هزعل منك علشان انت زي ابني وعلشان انت شايف كل حاجه وحشه من ساعه لما عرفت اني فتحيه عايشه بس انا كنت هستغربك قوي لو كنت فعلا مصدق اني فتحيه ماتت لان انت لو عارف اخوك كويس كنت هتعرف ان هو لا يمكن انه يقتل حتى عدوه فما بالك بحبيبته ورحمه ابوك وحياه عيالك روح طلعه

عاليه بتسال امها وبتقول لها هو انت ما زعلتيش على ادهم ياما واعتماد بتقول لها اكدب لا وما تستغربيش يا عاليه اللي بيكره حد بيكرهه بكل حاجه فيه بيكرهه بكل لوازمه وانا بكره ادهم واسر وامنه ولا بستحمل اسمع اسم الجارحي بكره حتى ريحته

وعاليه بتقول لامها انا مستغربه مجدي قوي ازاي كان بارد قوي كده في الجنازة والعزاء طب انت وفهمنا مبداك انما هو غريبه قوي

انا خايفه يكون اللي قتلوا ادهم هم هم نفس الناس اللي خطفوني قبل كده وساعتها بقى يتسلوا علينا واحد واحد والجرحي مش هنا وفي الحبس

تفتكري ياما هم اللي قتلوا ادهم فعلا واعتماد بتقول لها وانت مالك شاغله ليه نفسك بشغلانه مش شغلانتك؟ 

وعاليه بتقول لها اصل انا بصراحه في حاجه عماله تزن في نفوخي ومش راضيه تمشي هو ليه مجدي مشي بالشكل الغريب قوي ده من المستشفى في نفس اليوم اللي اتقتل فيه ادهم واختفى وظهر بعدها وماحدش فينا يعرف هو كان فين تفتكري ياما مجدي هو اللي قتل ادهم

واعتماد بتقول لها يا نهارك اسود انت اتهبلت يا بنت ولا شكلك كده طب والكعبه لو سمعتك بتقولي كلمه من اللي انت بتقوليه ده تاني حتى لو لنفسك لاكون مموتاكي 

وعليا بتقول لها انا بسالك على اللي شاغلني انت شايفاني رحت بلغت عنه واعتماد بتقول لها سؤال زفت زيك وزي وشك اوعي تنطقي كلمه واحده ثاني في الموضوع ده بعد كده.

وعليا بتقول لها انا هسكت خالص ومش هفتح بقي واعتماد بتقول لها احسن علشان لو ما عرفتيش تسكتي انا هسكتك غصب عن عيني اللي جابوكي

مجدي رايح زياره للجارحي وبيقول له بيوجع فراق الحبايب حسيت يا ابن ابويا دقت

والجارحي بيقول له انت اللي قتلت ابني يا مجدي