ملخص الشوط الأول من مباراة الجونة والأهلي

كتب: محمد فضل

سواريش بدأ بـ4-2-3-1 ، الشناوي حارس، أيمن أشرف وربيعة قلبين دفاع، معلول ظهير أيسر وهاني ظهير أيمن، السولية وحمدي فتحي ارتكاز وسط الملعب، طاهر جناح يمين وصلاح محسن جناح شمال وقفشة صانع لعب تحت محمد شريف المهاجم.

-الأهلي متوسط لكنه مش سيء ومش كويس أوي.

-الأهلي كان مصدر قوته في انه بيمسك وسط الملعب تماما دفاعيا وهجوميا وبالتالي بيتحكم في رتم الماتش، دلوقتي مبنقدرش نمسك وسط الملعب وبالتالي بيحصل علينا هجمات خطيرة.

-الجونة فاتح وسايب مساحات ورا الظهيرين، واضحة وضوح الشمس ولازم نستغلهم.

-صلاح محسن عامل شارع في الناحية اليمين عند الجونة لكن ماستغلناش ده بشكل كبير.

-الأهلي عنده مشكلة ان اللي بيعدي بالكرة مرة عايز يعدي تاني وتالت ورابع، أنا مش فاهم ليه؟

-قفشة علامة استفهام كبيرة أوي، بتوصلك كرة كتير وانت صانع لعب، لكن فين صناعة اللعب اللي بتعملها؟وليه بتفقد الكرة كتير وبسهولة؟ قفشة على التحرك الكتير اللى بيتحركه دلوقتي لو رجع فورمته ويعدي ويمرر من غير فذلكة هيبقى حاجة تانية.

-ريكاردو أول ما بدأ التوقف بسبب حرارة الجو، بيدي تعليمات ومش عايز يسيب اللاعيبة وده معناه انه عنده كلام كتير عايز يوصله للاعيبة.

-الأهلي لو لعب 3-4-3 أحسن وهيبقى منظره أفضل وهنوصل أكتر، والملعب محتاج وليد سليمان جدا.