مها احمد ترد على منتقديها “بسف على السفافين”
كتبت / مادونا عادل عدلي
انفعلت الفنانة مها أحمد مجدداً بسبب الانتقادات التي وُجهت لها خلال الساعات الماضية بسبب لايفاتها المستمرة عبر حسابها الرسمي بأحد مواقع التواصل الاجتماعي.
وردت مها أحمد على منتقديها من خلال فيديو عبر حسابها الرسمي بموقع الفيديوهات القصيرة” تيك توك”
قائلة: ” بسف على السفافين بتمزج بحب أطلعهم على المسرح وقلة الأدب شغلي إللي هو على التيك توك أو على برنامج مش هسيبه طول ما هو فيه فلوس مش هسيبه”.
وتابعت ” مش هتنفعيني ومش هينفع اتعالج على نفقة الدولة مع انو فنانة ومن حقي بس ساعتها هتتنمروا وهتقولوا بتاخد دوا الغلابة فانا بقي مش عايزة أخد دوا الغلابة عايزه أعالج نفسي بنفسي”.
وأضافت: “عايزه أعمل علاقات مع الناس الجامدة مع الداعمين الجامدين بره عشان يمكن أسافر أشتغل بره يمكن شيخة من الشيوخ تشوفني تاخدني وتشغلني عندها ليه لا.
واستكملت: “عندي طموح أروح أشتغل مع عند الناس بره مشتغلش هنا عارفين ليه علشان انتوا متنمرين ولسانكوا قليل الادب المحلات الماركات كانوا بيندهوا علينا ويسلموا ويدونا هدايا ماركات فا بالنسبالنا انو نأخد هدايا عادي عادي خالص انتي شايفة نفسك انو مش عادي علشان انتي حاسة نفسك متسولة حاسة نفسك مش من حقك لانك لا شيء”.
وإختتمت مها أحمد : “هرجع اقولكوا تاني الجملة اللي بقوله ليكوا على طول هتفسح هدلع هكيدكوا أنا قاعدة أي مكان فيه فلوس أنا قاعدة”.
