مي كساب تعترف بحقيقة الفترة الماضية في حياتها.. تفاصيل

كتبت: مادونا عادل عدلي

نشرت النجمة مي كساب صورة بوستر أخر اعمالها وعلقت قائلة

الكام يوم اللي فاتو كانو أطول مدة أقعدها لوحدي في حياتي وبأعترف شفت الحقيقه الكاملة حقيقة نفسي حقيقة كل حاجه حواليه وعرفت قيمة كل حاجه وندمت على كل لحظه ظلمت فيها نفسي أو ظلمت حد من اللي بأحبهم وبيحبوني

وتابعت الفنانة معترفة…. اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه أنا عدي عليه 11 سنة صعبين جدًا يمكن القريبين مني عارفين أنا إستحملت إيه وواجهت إيه أنا مسحت كل لحظه مش عاوزه أشوفها تاني عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثره جوابا كفتانه وكإنسانه ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال ١١ سنه دول بأعترف عقبال_عوضك كان عوضي الفني والإنساني بعد صبر ١١ سنه حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن

وبإذن الله العلي الكريم أنا هأرجع أنا وهأحارب وأقاوم كل روح شريره وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رساله وأكون خير في الدنيا بحبكم من قلبي وحقيقي حبكم ليه هوه الحياة