نصيحة المنتج والسيناريست مدحت العدل لمحمد رمضان: من اب لابنه لازم يا محمد تهدى شوية
كتب/ حمادة سليمان أبو الوفا
دكتور مدحت العدل أحد أهم صناع السينما والدراما في مصر إنتاجًا وتأليفًا فهو ينتمي إلى اسرة فنية من الطراز الرفيع كما انه شارك في تاليف أشهر الاغاني لكبار المطربين في التسعينات كما كتب الكثير من الأعمال الفنية ما بين تأليف الأفلام السينمائية والمسلسلات والدراما الإذاعية يفتح قلبه إلى عالم النجوم ويكشف الكثير من الاسرار والكواليس ودعم الدولة المصرية وحكايات كثيرة سنتعرف عليها من خلال هذا الحوار .
بدايات مدحت العدل كانت إيه ؟
(الأغاني) كانت أول حاجة وبعد كدا عمرو دياب وأعمال كتير و اغاني ل محمد الحلو وعمرو دياب وفيلم ايس كريم في ديسمبر.
هل فيه ترشيح لنادى الزمالك قريب؟
لا لسه منتظرين الحكم لمرتضى منصور ولو نزل أكيد مش هانزل قصاده.
كلمة توجها لشباب مصر ؟!
حبوا إللي بتعملوه عشان تنجحوا فيه.
أخر الأعمال اللى بتحضر لها دكتور مدحت العدل
بحضر (حتى لا يطير الدخان)بعمله لمنصه من منصات 10حلقات من إنتاج العدل جروب وبطولة مصطفى شعبان وقصة إحسان عبدالقدوس.
ممكن نشوف حضرتك مع الفنان عادل إمام ولا صعب؟
ربنا يدى لعادل إمام الصحة وطبعا مفيش حاجة صعبة وابقي سعيد جداا لو الــCV بتاعى حاجة لعادل امام.
دكتور حضرتك قيمة فنية كبيرة ومنتج وسيناريست كبير ليه مش بنشوفك فى عمل سينمائى أو درامي؟
اتعرض عليا حقيقي بس بحب أعمل حاجة انا مؤمن بيها انا كاتب متميز أعتقد في التمثيل مش هابقي متميز.
العظيم الجميل استاذ سامى العدل رحمة الله عليه كان بيمثل إيه لحضرتك؟
كل حاجة عمود الأسرة واستاذنا وابويا الروحى رحمة الله عليه.
الزمالك بتمثلك إيه يادكتور ؟
الله مصر الزمالك هو الانتماء والعشق والكيان والزكريات الحلوة والسعادة
شعور حضرتك ايه بالفوز بالدورى؟
احنا خدنا الدورى قبل كدا كذا مرة وبطولات كتير بس الدورى دا الكل كان متوقع اننا نقع والحمدلله خدناه.
راي حضرتك في الاحداث الاخيرة اللى حصلت مع محمود عبدالقادر شيكابالا ؟؟
رايى ان دا تربص وتنمر لشيكابالا وهو من أعظم خمس لاعيبه ولاعب ممتاز جدا.
بمناسبة الترند الاخير محمد رمضان ممكن نشوفه مع الدكتور مدحت العدل ورأيك فيه؟؟!
ممثل موهوب جدا وعنده كاريزما وربنا مديله حب الناس وانا بحبه جدا على المستوى الشخصي ونصيحة من اب لإبنه لازم يا محمد تهدى شويه وتستشير بكلام الاكبر منك.
ممكن نشوف د/مدحت العدل وشركة العدل فى أعمال وطنية زى مسلسل الاختيار؟؟!
طبعًا عملنا (واحة الغروب و حارة اليهود) واحنا جاهزين ان شاء الله لأى عمل وطنى يخص مصر وشركة العدل جاهزة لاى حاجه وطنية وبنحضر لحاجة جديدة ان شاءالله.
