نهاد أبو القمصان تنصح الفنانة ياسمين عبد العزيز لازم تفكري وتظبطي حساباتك لاني خايفه الخبر الجاي نلاقيكي في العناية المركزة

نهاد أبو القمصان .. المحامية الشهيرة والإعلامية .. تنصح ياسمين عبد العزيز بالتروي وعظم التسرع وتتصحها .. “لازم تقلقي” .. وذللك بعد تصرف شقيقها وما كتبه عنها وعن أحمد العوضي .. والهجوم الحاد عليها منه .

كتبت نهاد أبو القمصان تلك الكلمات على صفحتها الخاصة حكايات نهاد :

ياسمين عبد العزيز , نصيحة لازم تقلقي
صحيت الصبح .. اتابع موضوع سد النهضة علشان اعرف احوش جردل ميه للزنقة واللا لسه شوية ,, لقيت الدنيا مقلوبة .

علي رسالة ردح بالصوت الحياتي بين اثنين رجالة , اخو ياسمين عبد العزيز الممثلة .. وبيقول للثاني ،

الممثل أحمد العوضي .. اللي المفروض حبيبها ” تعالي ادخل البيت من بابه وقابل الرجالة “, قام الثاني رد عليه

“انا لامؤخذه مش شايف ايتها رجاله”
والموضوع دا قالب الدنيا لا سد نهضة بقي ولا كورونا , ولاني بحب ياسمين عبد العزيز .. من اول ما طلعت بفيونكات في الإعلانات وقلنا مين البنت الحلوة الشقية دي حسيت ان قلبي كلني عليها ,

نهاد أبو القمصان تصف مافعله شقيق ياسمين عبد العزيز بأسوأ أنواع الخيانة

لان اللي عمله اخوها دا أسوأ أنواع الخيانة .. اكبر بكثير من قلم نزل ذو علي القفا , دا خنجر اضرب في القلب من أكثر واحد ممكن يكون مصدر الأمان , السند والضهر الحقيقي ,

والحالة دي متكررة جدا وغالبا ما يحصل من اخ هو اكثر حد استفاد من اخته لانه هنا الأخ الهمام مش بيدافع عنها ,

هو بيدافع عن مصالحة اللي شعر بالتهديد بدخول طرف تاني في حياة اخته ,

ودا بيحصل كثير من بنات وستات بيقدموا دعم كبير لاخواتهم او عيلتهم عموما ,, بعد شوية يحسوا المستفيدين انهم بقوا ملكية لهم وممكن يدوسو علي أي حاجة لو مصالحهم اتهددت

يبدؤ الكلام معاها عن مصلحتها وحبهم ليها وخوفهم عليها ولان هي بتبقي فاهمة كويس صراع المصالح .. وماعدتش البنت الصغيرة أم فيونكتين ..

ومن حقها تختار تمشي حياتها ازاي يبدء الابتزاز ، والتهديد ، والاندفاع في رسائل من النوع دا ,

واحيانا تصرفات أسوا علشان كدا بقول دي أشد أنواع الخيانة، لان البنت او الست بتحس انها اتعرت تماما ،

وتبقي حسة إحساس يوليوس قيصر لما قتله اعز اصحابة اللي مربيه زي اخوه فقاله وهو بيموت ” حتي انت يا بروتس ”

بس انا عارفة ان ياسمين قوية وهتتعامل مع بروتس كويس ,
امال انا قلقت عليها من ايه ؟
من الرسالة بتاعة حبيبها الممثل احمد العوضي , من حقة يزعل فعلا .. ويحس انه اتهان من اخوا ياسمين ، بس الرد فيه اندفاع شديد من نوعيه ” رجالة ايه يا بيت مفهوش رجالة ” ,

طيب يا ياسمين يا حبيبتى لما نتو في مرحلة الحب الحب , الشوق الشوق , بلوبيف بلوبيف ،

ورد علي اخوكي كدا , امال في المستقبل لو المشكلة معاكي أنتي , ولو هو اللي شعر ان مصالحه اتهددت , هيعمل فيكي ايه ؟!!

رسالة اخوكي بشعه وهانته جامد ومن حقه يرد .. طعا بس دا رد فيه غضب واندفاع بلا تفكير ,

يعني مثلا كان يقولة ” هو أصول الرجوله نتكلم علي الفيس بوك , طب اخطبها منك علي الانستجرام مثلا !! “

او ان يقوله ” لو رديت علي كلامك علي العربية والمصالح هقل مني ومنها , وبحكم الشرع دي ست حرة مش محتاجة رجالة أصلا ,, “
أي رد يقول انه بيفكر ويتحكم في اعصابة بربع جنيه ,, لكن الاندفاع دا مع البدي بلدنج مقلق جدا ,
لازم تفكري وتظبطي حساباتك لاني خايفه الخبر الجاي نلاقيكي في العناية المركزة علشان اختلفتو تشربو الشاي بالشليموا واللا المعلقة
وربنا يا أختي الصغيرة يسعدك ويكتبلك الخير , ولا يهمك ياما دقت علي الراس طبول ..

حكايات_نهاد

نهاد_ابوالقمصان

ياسمين_عبدالعزيز