نيللي كريم مع الإعلامية وفاء الكيلاني: أنا كنت هبلة

ذكرت الفنانة نيللي كريم خلال لقائها ببرنامج “السيرة” الذي تقدمه الإعلامية وفاء الكيلاني على قناة “دي ام سي”: إن والدها توفي في المستشفى وكان ممنوعا زيارته لأنه كان في العناية المركزة، لافتة إلى أن كل لحظة تنجح فيها وتتخطى مواقف صعبة لا سيما العاطفية تمنت أن يكون والدها باقيا على قيد الحياة.

وتابعت “أي بنت حد بييجي عليها بتدور على ضهر وهو الأب.. أخويا وأمي ضهري وأنا اتعودت أكون ضهر نفسي ومأعتمدش على حد وبقالي كتير بعتمد على نفسي.. أبويا كان نفسه يشوفني ناجحة وفي أحسن حال وكنت دلوعته”.

وأكملت: “أخدت من أبويا روحه المصرية وكنت أتمنى أتجوز واحد زيه.. أمي لطمت بالروسي لما اتجوزت وأنا عندي 17 سنة ومش عارف عملت الموضوع ده إزاي واستغربت نفسي، وكان رد فعل أشرف أخويا بأني مختلة عقليا ولكن اللي في دماغي بعمله لأني عنيدة، كان بيني وبين جوزي الأول 10 سنوات واتجوزته بعد وفاة أبويا بـ6 شهور وإحساسي وقتها كان حب ودلوقت بقول أنا كنت هبلة”.