هبه توفيق لعالم النجوم: أقرب الأعمال لقلبي إمرأة من زمن الحب
حوار / حماده سليمان ابو الوفا
هبه توفيق نجمة مصرية واحدة من النجوم المنسيه
علي خريطة الدراما المصرية موهبة كبيرة وعظيمة رجعت بعد الغياب في حوار خاص لجريدة عالم النجوم.
س: كلميني عن مشوارك الفني واذا كانت بدايتك ومين الي قدمك للجمهور؟
ج:البدايه كنت في المعهد العالي فنون مسرحية ثم البدايه قدم الشاشه من خلال ترشيح الاستاذ محمد الشقنقيري كان زميل ليا في المعهد كان في سنه رابعه وكان داخل مسلسل الوتدد فرشحني من نفسه وقالي روحي قابلي الاستاذ احمد النحاس وكان بلنسبالي مفاجئه وكنت متوتره لان مسلسل الوتد فيه كل نجوم مصر والحمد الله ربنا قدرني وقدرت اقدم دور بدر زوجة المرحوم عبدالله محمود.
س: أين كنت مختفية منذ فترة ولا يوجد أعمال فنية كبيرة لحضرتك ماهو السبب؟
س: الاختفاء مكانش بايدي انا اتجوزت وخلفت ولادي الاتنين وكان تفكيري كله موجه لتربيت ولادي قعد ست سنين كاملين في البيت متفرغه لبيتي وولادي فا انا كنت شغاله في الاذاعه فشافني الاستاذ محمد عيد المؤلف المعروف بلصدفه (كنت اشتغلت معاه في مسلسل اثم امين كان من تاليف) ورشحني لمسلسل الامام الغزالي وعملت دور كويس جدا وكان مع المخرج الاستاذ ابراهيم الشوادي والبطل كان محمد رياض ولما دخلت غرفه الدكور استرجت زكرياتي بس للاسف المسلسل ماتشفش علشان مكانش مواكب العصر وكمان كان نازل علي قنوات ارضيه ومنزلش علي قنوات بتتشاف يعني كانه منزلش ولا كاني عملته.
س : بتحضري حاجة للفترة اللي جايه؟
ج:للاسف لا يعني اصبت هبه توفيق مش علي الخريطه تماما يعني
س:ايه الدور الي نفسك تعمليه والممثل والمخرج الي نفسك تشتغلي معاه؟
ج:للاسف معاتش عندي حلم زي الاول من كتر الاحباطات الي شوفتها لاكتر من عشر سنين صعب دلوقتي تقولي تحلمي تعملي دور ايه فكل احلامي دلوقتي بقت بعيد عن الفن لاني اجبرت علي كده كان زمان لما صحفي يسالني انتي نفسك تعملي دور ايه كنت بقول بشغف وببتهاج شديد لكن دلوقتي تم قتل كل شئ.
س:هل شركات الانتاج هي الي بقت متحكمه في كل حاجه يعني هو الي بقي بيختار ولا هي داخله بلعلاقات ولا ايه هي وجهة نظرك؟
ج:ايوه طبعا شركات الانتاج هي الي بتحدد وهي اسماء محدده هي المفروضه علي الاعمال كلها ودا طبعا بياذي الزميلات والزملاء مابيشتغلوش بره الحسبه يعني فطبعا في كتير منهم فدا بيفرض ان كتير من الزملاء بياخدوا جنب وبيحترموا التاريخ بتاعهم وفي ناس تانيه بتعافر وبتحاول يعني الموضوع مش سهل وطبعا لما كان في قطاع الانتاج زي مدينه الانتاج الاعلامي وصوت القاهرة دول كانوا الاساس ان الكل يشتغل وجوه جديدة علي فنانين قدام يعني ماكنش في ازمه زي دلوقتي دلوقتي في ازمه دلوقتي مابيشتغلش غير ناس معينه بقالهم سنين محتكرين العمل الفني والباقى كله موهبين وموهوبات قعدين في البيت.
س: ايه هي الاعمال الاقرب لقلبك والي انتي حبها وحسه انك اديتيها بدور كبير ودور عظيم والي علقت مع الناس؟
ج:بلنسبه لاقرب الاعمال لقلبي امراة من زمن الحب لاني انا اتنقلت نقله تانيه خالص بعد المسلسل ده انا كنت في مكان وبعد امراة في زمن الحب بيقت في مكان تاني واسمي كان في كل مكاتب الانتاج وبقيت بتنده باسم الدكتوره نسبه بدكتوره سيهام لحد ما الناس اعتقدت اني اصلا صيدلانية ورايحه اعمل الدور من كتر اتقاني لدور وكنت موفقه فيه الحمد الله.
وكمان مسلسل اثم امين في دور صفيه زغلول مع الاستاذة الكبيره انعام محمد علي دا كان حلم بلنسبالي
وكمان مسلسل امام الدعاه بلاشك كان من اقرب الاعمال لقلبي لاني كنت بعمل عمل عظيم لرجل عظيم فا التلات مسلسلات دول كانوا نقاط مهمه وتحول كبير في حياتي
