هنرد علي الشائعات… بقلم : حماده عبد الجليل خشبه
شفنا الحراك السياسي والاقتصادي خلال الايام القليله السابقة ، شوفنا صفقة مشروع رأس الحكمة و التدفقات الدولارية اللى تم ضخها في هذا المشروع وعرفنا أن 15 مليار دولار دخلو بالفعل البنك المركزي بالاضافة الي الودائع اللي كانت موجوده في البنك المركزي لدولة الإمارات بخلاف 20 مليار دولار داخلين بعد شهرين وكمان 150 مليار دولار هتستفيد بيهم مصر من خلال عملية إنشاء المشروع .
طبعا سمعنا اشاعات وبنسمع حاليا أن الرئيس باع البلد للامارات وانه هيبيع جزء كبير تانى اسمه رأس جميله للسعوديه وغيره وغيره ، احب اقولك يا اخي أن دي اشاعات مغرضة ملهاش اي قيمه ، ممكن يكون ناس مضللة وبردد الكلام وخلاص ، وممكن يكون ناس مش فاهمه وبتحاول تعمل نفسها ناصحه ود قمة الجهل ، وفيه ناس تانى هدفها إثارة البلبلة والرأي العام علي الحكومه والرئيس .
ببساطه كده أن بما يكون عندك ارض كتير مش معاك سيوله علشان تستثمر فيها ، وفي نفس الوقت الحالة الاقتصاديه عندك صعبه جدا ، بيكون امامك طريقين يا اما ب تلجأ للأقراض وطبعا دا هيزود الدين الخارجى اكتر من اللازم ، والطريق التاني أنك تستثمر في الأرض دي عن طريق الشراكه يعني انت تخش بالأرض والمستثمر يخش بالفلوس وانتم الاثنين تكسبوا من ارض بقالها آلاف السنين غير مستغلة وفي نفس الوقت حليت الازمة والفجوة الدولارية اللى كانت موجودهة.
لما الرئيس حسنى مبارك رحمة الله عليه وافق علي استثمار الإمارات في منطقة داخل مصر كانت صحراء والإمارات عملت فيها شغل عالي وعملت بنيه تحتيه وفي الاخر سمة المنطقة دي باسم رئيس دولة الامارات وقتها ليه مقلناش أن مبارك باع البلد عارف المنطقة دي اسمها ايه اسمها منطقة الشيخ زايد .
لما رجل الأعمال المصري طلعت مصطفى راح يستثمر في السعوديه في قطعة أرض دفع فيها ٢ اثنين مليار دولار ، ليه الشعب السعودي مقلش أن علي “محمد بن سلمان” بيبيع البلد للمصريين .
باختصار هو دا الاستثمار ، فبلاش نتكلم عن جهل خليك واثق في رئيسك .
حفظ الله مصر
