- والدة إيمان عادل جيرانها قالولي بنتك مغمى تعالي وقتلها بفلوس دهبها
- مداخلة هاتفية من والدة إيمان عادل.
- حياتها كانت هادية ماكانتش بتحكيلنا على حاجة
- مش عايزة غير القصاص وإعدامه في ميدان عام
والدة إيمان عادل جيرانها قالولي بنتك مغمى تعالي وقتلها بفلوس دهبها
والدة إيمان عادل الملقبة بشهيدة الدقهلية السيدة أشراف المكاوى “اتصل بيا جيران بنتى وقالولى تعالى بنت مغمى عليها، وروحت لقيت الناس كلها في الشارع وأنا ماكنتش عارفة إنها ماتت وبعدها جاءت المباحث”.
مداخلة هاتفية من والدة إيمان عادل.
وأضافت، خلال مداخلة هاتفية مع الإعلامى عمرو أديب ببرنامج الحكاية المذاع على قناة إم بى سى مصر: “أنا آخر واحدة عرفت بموتها بالطريقة البشعة، ابنها كان متطعم قبلها بيوم واحد عنده 9 أشهر وماتت وهى ماسكة ابنها”.
حياتها كانت هادية ماكانتش بتحكيلنا على حاجة
وتابع: “حياتها كانت هادية ماكانتش بتحكيلنا على حاجة علشان أنا مريضة سكر وأبوها مريض ضغط وزوجها ما كانش بيقول أي حاجة، أنا عرفت إنه قال لوالده إنه عاوز يطلق إيمان بعدما توفيت لكن إيمان كانت محبوبة من إخواته وأبوه وأمه وكانوا بيعارضوه، هو كان عاوز يشهر ببنتى فربنا شهر بيه”.
مش عايزة غير القصاص وإعدامه في ميدان عام
وأكدت: ” مش عايزة غير القصاص وإعدامه في ميدان عام لأنه أبشع من القاتل، سلمته بنتى أمانة وياريته كان حافظ عليها وكان هيكبر في نظرى لو جالى وقال عاوزة اتجوز عليها أو أطلقها كنت هاخد بنتى وخلاص، بنتى كانت هادية ومحترمة وفى حالها، سرق ذهبها علشان يقتلها بيه، وجالى بعد ما بنتى اندفنت وأكل وشرب الشاي في بيتى”.
