وتشتم ف الأزهر … بقلم: عمرو نوار

وتشتم ف الأزهر ..
اقول لك ده اصغر ..
حد ف حارتنا ..
كبير المقام…
وقنديل بلدنا ..
على كل مدنا …
منور بقى له ..
فوق الف عام ..

وصوت المراغى ..
على كل باغى ..
وخيل الفرنجه ..
خضع للإمام….
وحلبى بخنجر ..
ومكرم ..بعمّه …
جهاد الأئمه ..

تاريخ لايهان…
ودى مش حجاره ..
ده اصل وحضاره ..
ومنشا مناره …
فى وسط الظلام …

وتشتم ف الازهر ..
اقول لك ده اصغر ..
حد ف حارتنا كبير المقام ..
وقنديل بلدنا ..
على كل مدنا ..
منور بقى له ..
فوق الف عام ..