ياحلاوة صورتك ياجمالها
كتب / حمادة العسكري
نايمه وخداها بين حضني
صاحيه سرحانه في تفاصيلها
محلفه صورتك ماتسيبني
بطمن لما ببصلها
وبشوفها لو الكهربه قاطعه
في كل مكان بتخيلها
حتى الكلمات المتقاطعه
بحروفك أيوا بكملها
حبك دوخني وجنني
سيطر وإتمكن أوي مني
خلاني رايقه ومبسوطه
ف الرايحه وف الجايه بغني
الضحكه ف وشي بتنور
باخد سيلفي آه وأتصور
وأبحث عن فيديو وأدور
رومانسي بيحكي آه عني
جمالك آه سيدي ياسيدي
النظره في عينك فتاكه
حبك بقى غنوتي ونشيدي
خلتني أدمنتك بشياكه
بتسري في دمي ووريدي
بتطمن قلبي آه م الخوف
خليك جنبي أحضن إيدي
بحاول أخرج عن المألوف
ماأقولش كلام ليك تقليدي
حبك دوخني وجنني
سيطر وإتمكن أوي مني
خلاني رايقه ومبسوطه
ف الرايحه وف الجايه بغني
الضحكه ف وشي بتنور
باخد سيلفي آه وأتصور
وأبحث عن فيديو وأدور
رومانسي بيحكي آه عني
