ياسمين صبري لـ صاحبة السعادة… “انا منغلقة ونفسي اعمل براند بتاعي انا”
كتبت/ مادونا عادل عدلي
كانت الفنانة ياسمين صبري، ضيفة في برنامج “صاحبة السعادة” للفنانة والإعلامية إسعاد يونس، الُمذاع على قناة Dmc
وقالت ياسمين صبري: “نفسى أعمل براند ميك اب بتاعى واحط في كل مشاكلى لأن أنا بنت بتعامل مع الكاميرا وعارفة يعنى إيه كاميرا أو إضاءة ويعنى إيه بشرة بتتعب، واحنا بنروح معمل لأن المكياج بيتعمل في معامل مش مصانع، وبقوله ان عاوزة البراند بتاعى من النبات ويكون مرطب للشفايف مثلا، او عاوزة حاجة اورجانيك ميكونش فيه كيماويات”.
وتابعت ياسمين صبري: “أنا بدرس كورسات في علم نفس دلوقتى، وعملت كده لما لقيت نفسى قرأت كتب في التنمية ولقيت نفسى مهتمة أوى ومش بزهق، ودايما بكون عاوزة أعرف فقررت أدرس بقى، وعملت كده من وقت الكورونا”.
وأستكملت ياسمين صبري: “أنا شخصية منغلقة بس مش بشعر بالوحدة ومش بتكلم على أمورى الشخصية، وعن مفهوم السعادة قالت: “السعادة بتتحقق من حبيب وعيلة، والحب جميل أوى، الحب الصح من الشخص الصح”.
وتعاقدت ياسمين صبرى على بطولة مسلسل جديد مكون من 15 حلقة للعرض في شهر رمضان المقبل، واستقرت ياسمين على سيناريو من تأليف محمد رجاء ووقع الاختيار على المخرج خالد مرعى لتولى مسؤولية العمل الذى يتم التحضير له حالياً حيث يجرى الاستقرار على الاسم للعمل وترشيح الفنانين المشاركين في البطولة.
والجدير بالذكر أن آخر أعمال ياسمين صبرى، مسلسل “فرصة تانية” الذى عرض في شهر رمضان 2020، وشارك في بطولته أحمد مجدى، هبة مجدى، أيتن عامر، دياب، ادوارد، محمود البزاوى، سارة الشامى، محمد أبو داود، نهال عنبر، اشرف زكى، عمر الشناوى، هبة عبد الغنى، عصام السقا، أحمد الشامى، ابتهال الصريطى، غفران محمد، هدى الاتربى، كريم عبد الخالق، ومعالجة دراما محمد سيد بشير وتأليف مصطفى جمال هاشم وإخراج مرقس عادل وإنتاج شركة سينرجى.
