ياسمين عز تثير جدلا واسعا بعد نشرها رسالة غامضة والجمهور يرد “فين الصوت الشتوي”

أثارت الإعلامية ياسمين عز جدلا واسعا بعد نشرها رسالة غامضة عبر حسابها بتطبيق إنستجرام.

وكتبت ياسمين عز:”ويحك يا دعسوقة كرامة ايه يا ام كرامة بلاستيك أطرافها مطاط، تمط وتنكمش حسب المصلحة والظروف المحيطة،،مدام بليز كرامتك وقعت منك آخر مرة هناك،،ابعتي عبد (مظلوم )من عندك يجيبها قبل ما تسيح فالشمس،، واحكيلنا بالمرة ((قواعد بيات المراة الاربعون برة بيت الزوج من غير اذنه )) سلينا كدة في الاجازة لانك بقيتي مملة وشطبتي محتوي »”.

وأضافت ياسمين عز:” حتي في تلقيحك مملة ،زيرو محتوي زيرو أنوثة ،،بس الامانة استرجال ليقل الوحش دة انا مش بس ادوس عالفساتين الماركات دة انا ادوس علي اي حد علشان خاطرالفرعون الصغير الكبير ،،بعمل دة فالحياة العادية وبقوله
فالعلن،، انما بقي لما يكون في خرابة بيوت بتبوس الجزم فالسر وتعمل فيلم(مظلوم ) وتطلع فالعلن تحكيلنا مأساة المرأة الاغريقية ،،كدة انتي محتاجة علاج يا مدام »روحي اتعالجي يا مدام»”.

وأوضحت :” في تشوهات نفسية وشياط وغيرة ويأس بدأ يتجلي ويتفشي ويترعرع في الإنحاء ،،،وبلاش نشغل اسطوانة المراة الحديدية،،علشان المراة نفسها لو عرفت انتي ايه هيجيلها صدمة دماغية حضارية ، بقولك يا خرابة البيوت العمرانة جربي حطي اسمي تاني في تلميحات او تلقيحات علشان هنتفرج كلنا وقتها انا
هدوس علي ايه تاني غير الماركات،،واهو بالمرة نحكي الحكايات،،سلي الناس فالاجازات”.

واثارت رسالة ياسمين عز تكهنات متابعيها أن الرسالة موجهة لإعلامية مشهورة.

والجمهور يرد في أحد الكومنتات: “ايه ضاه ياسمين حبيبتى ايه وصلة الردح اومال الصوت الشتوى راح فين يا اوختشى لالا اتحسدتى وبعدين ايه الجديد مصر كلها بتجيب سيرتك واى انتى محموقة اوى المرة دى تريند جديد ولا ايه”

“فين الرقة فين الكيوت فين الصوت الشتوى . برافووو رضوى شااابوه عرفت تطلع الوش الاصلى و الصوت الصيفى وفرش الملايا زى مابيقولوا .
رضوى محترمة وراقية ومذيعة بجد وكلامها كله بعيد عن اى خربان ده للى عايز يسمع حد محترم”