حواراتعالم الفن

الفنان شريف حافظ يكشف لـ عالم النجوم كواليس وحقائق  يعترف بها لأول مرة

 الفنان شريف حافظ يكشف لـ عالم النجوم كواليس وحقائق  يعترف بها لأول مرة

الفنان شريف حافظ يكشف لـ عالم النجوم كواليس وحقائق  يعترف بها لأول مرة
الفنان شريف حافظ

حوار/ لميس محمد

فنان موهوب ومبدع لعب أدوار مختلفة ومتنوعة من دور ابن لدكتور نفسي لشخص كوميدي تخرج من جامعة القاهرة وحاصل على ماجستير في العلوم. 

من خلال لقاء جريدة عالم النجوم مع الفنان الموهوب الشاب شريف حافظ

في البداية نرحب بالفنان الموهوب شريف حافظ

اهلاً بيكي يا أستاذة لميس وكل متابعي جريدة عالم النجوم. 

ماهو أول ظهور لـ الفنان شريف حافظ في التمثيل؟

أول ظهور لي في التمثيل كان في عام 2018 مسلسل ليالي أوجيني مع المخرج هاني خليفة كنت عامل دور ابن إنجي المقدم نينو وظهرت في اخر اربع حلقات رجعت لها بعد الحرب العالمية من الأسر وكنت فاقد ذراعي.

كيف تم ترشيحك لمسلسل خيانة عهد و قواعد الطلاق 45 وستات بيت المعادي؟

اترشحت في الدور سنة 2020 رشحني الأستاذ سامح عبد العزيز للشغل معاه في المسلسل وكان دور الدكتور هو أكثر دور لأنه مناسب في المسلسل شريحة سنية معايا لأن الدور قبل كدا كان أصغر ودوري الثاني كان بيفكر في الجواز من حلا شيحة كان أكبر من سني طبعا المسلسل كان لسه بيتكتب مع المؤلف أحمد عادل اللي كان متحمس جداً للموضوع وكبروا الدور وأصبح الخط الدرامي الخاص فيه حب مع هنادي مهنا ومساعدة يسرا في المسلسل”.

أما عن ترشيحي لمسلسل” قواعد الطلاق ال45″ معرفش أنا مين اللي رشحني ليه بصراحة لكن لقيت شخص من شركة الإنتاج بيكلمني ووافقت عليه وكان بعد رمضان كان في الاوف سيزون لبعد رمضان 2021. 

تابع الفنان المتألق شريف حافظ كلامه :”نفس الشركة المنتجة لقتها بتكلمني علي المسلسل الثاني ستات بيت المعادي ودا كان ترشيح من المخرج محمد سلامة،وسبق الشغل معه قبل كدا عملت معاه مشهد واحد دور شرف رمضان 2021 قبل الاوف سيزون ده دور أرماني من الناس الارمنين بيهاجروا الي مصر من قديم الزمان في الهجرة غير الشرعية وهو كان أول دور بطولة بالنسبة لي وبعتبرها دا أول فرصة حقيقية فيها مساحة تبين او تظهرني كممثل او تعرف الناس عليا والجمهور يبدأ يعرفني وكان فيها تحدي بالنسبة ليا لأن أنا أصلا معملتش كوميدي قبل كدا خالص ومش عارف المخرج محمد سلامة عرف إزاي أن الشخصية الكوميدية تطلع مني علي الكاميرا وأنا دايماً بحب الشغل معاه ويستمتع جداً وهو مخرج كبير ويمتلك مهارات كثيرة ومش شطارة بس وإنما شطارة بتميز وعنده نظرة هو دايما بيبقي عنده نظرة في الشخص اللي قدامه زي الأستاذ سامح عبد العزيز بالضبط”.

الفنان شريف حافظ يكشف لـ عالم النجوم كواليس وحقائق  يعترف بها لأول مرة
الفنان شريف حافظ

هل وقوفك وتمثيلك مع ناس فنانين عمالقة في الوسط الفني زي الأستاذة يسرا أعطاك ثقة في نفسك أم كانت صعبة؟

في الأول أنا بطبيعتي كشريف مش في الوسط من زمان لسه بتعرف أكثر واكتشف أكثر من 2012 بقول عايز أمثل.

تابع كلامه بدأت الشغل فعلي بتمثيل دور صغير في ليالي أوجيني واتعرف علي الناس أكثر وأدخل في مجال التمثيل أكثر واتعمق فيه وأول مشهد عملته كان مع إنجي المقدم في ليالي أوجيني ادتني كلام إيجابي جدا عن الحالي كان مشهد صامت إحنا كنا داخلين إحنا الإثنين راجع ليا من الأسر وذراعي مقطوع وأنا ابنها وهي تستقبلني وكدا فكان كله نظرات و تعبيرات وجه فهي ادتني كلام إيجابي جداً بعدها قالتلي متشكرة جدا انت ساعدتني انا كنت خايفة من المشهد ده أنت ساعدتني جدا في ده عرفت إننا داخل بمستوى مش هين وكان ده طبعا من الأول خالص إننا عايز أدخل تمثيل وبحس إن الأدوار الصغيرة متبينش الممثل أوي بالنسبالي أنا كشريف لأن أنا لما بلاقي الدور كبير ومهم بيبقي فيه إهتمام بيبقي فيه مذاكرة أكثر بحس أنه ممكن فعلاً يفرق معاك لأن في ناس كثير من الصناع لما كنا بنتكلم لحد بيت المعادي قبل ما بيت المعادي يتعمل بيقولوا إن المساحة التمثيلية مش بتبين المستوى بتاع التمثيل فين وكدا فأنا مبسوط جداً وبعتبر فعلا ستات بيت المعادى هي أول خطوة حقيقية ونعد من هنا نجاحات قادمة إن شاء الله.

ما هي أسباب الثقة الكبيرة لـ شريف حافظ عندما يؤدي أدواره الفنية والسينمائية؟

موضوع الثقة أنا داخل واثق من نفسي وعارف أدواتي كويس كواحد بيعرف يحس ويعرف يعطي علي الكاميرا إحساس لأن الممثل بالنسبة لي مش لازم يتعصب يبقي فيه تعبيرات وجه فجة جامدة كدا في لغة عين دا بالنسبة لي التمثيل بتبدأ من لغة العين والقلب اللي من جوا بيطلع من العين علي وش الممثل فكان في ثقة وبتزيد مع انك تتعود على اللوكيشن نقدر نقول إن هي أزيد ما يكون في ستات بيت المعادي لأن كنت موجود في اللوكيشن بسبب إن الدور كبير فلما الدور بيبقي صغير مش بيبقي فيه مساحة إنك تتعلم كأنك جاي تزورهم وتمشي مش بيبقي في الارتياح الممثل قدام الكاميرا بمجرد ما بيتقال أكشن المفروض تمام.

الفنان شريف حافظ يكشف لـ عالم النجوم كواليس وحقائق  يعترف بها لأول مرة
الفنان شريف حافظ

ما هو إحساسك بالعمل مع الفنانة يسرا والتعامل معها شخصيا؟ 

الفنانة يسرا بالنسبة لي محطة فنية ووجهة وتاريخ وايقونة أنا مبسوطة إن أنا لحقت إن اتشرف بالشغل معاها وتشجيعها وكلامها ورأيها فيا وفي الانترفيو اللي هي كانت فيها هي كانت بالنسبة ليا زي ختم الجولة كدا اننا كنت مستنيها فأنا اتشرفت بالشغل معاها وأتمنى أشتغل معاها في حاجات كتير ثاني وحاجات جديدة هي لسه عندها كثير أوي وأنا شايف إن هي لسه عندها كثير أوي والملعب بالنسبة لها لسه واسع أوي عايزة مؤلفين أقوياء يكتبو ويسجدوا ليها شخصيات تليق بها تعملها علشان لسه عندها كثير تقدمه لينا ولجمهورها”. 

هل كان للأدوار التي قمت بها لها تأثير على شخصيتك ؟

تأثير الشخصيات خيانة عهد متعاتبنيش أوي مأثرش عليا أوي بس هو خلاني بعد كدا إنسان بياخد الأمور ببساطة عارف أن الناس مهما كان عندها من هموم وهو لازم يتحمل ويحس الدنيا كويسة وياخد الأمور ببساطة تقريباً كان دور مصطفي.

أما الدور الثاني في مينو فى ليالي أوجيني يمكن هي أقرب الحالات ليا واحد بيعاني من أزمة بسبب الأسر اللي كان فيه والوجع محستش أنه غير أو بعد كثير عني.

أما الدور اللي غير فيا أنا كشريف جامد جداً أوي هو دور علي في ستات بتعرف تقتل لأن دا مش أنا خالص في حته ثانية كانت شخصيته أضعف من مراته علشان مراته بتصرف عليه وعلشان رجولته غير مكتملة لأنه مش قايم بمهامه كزوج وكراجل يشيل البيت مراته هي اللي شايلة كل حاجة وشايلاه لحد ما هو يحاول يحقق حلمه أو يحاول ينجح في عنده جزء الخيانه لما خان مراته ودا طبعاً بعيد عني كل البعد في كل حاجة في الشخصية فعلي كان لا أثر فيا فترة كبيرة جداً. 

الفنان شريف حافظ يكشف لـ عالم النجوم كواليس وحقائق  يعترف بها لأول مرة
الفنان شريف حافظ

غير من شخصيتك نقدر نقول اد إيه 100٪ ولا أقل؟

غير فى المسلسل ٨٠٪

لو أتعرض عليك أدوار كوميدية هيكون سهل ولا صعب خصوصا أن قمت به في ستات بيت المعادي؟

سهل جدا و هتتقدم بطريقة مختلفة. 

شاركت في أعمال مسرحية قبل كدا؟

مسرح الكلية

جربت شعور الوقوف علي خشبة المسرح وتمثيلك أمام جمهور علي أرض الواقع؟

من أحسن الحاجات اللي ممكن الواحد يتعلمها هو الوقوف على خشبة المسرح وقدام جمهور كبير والناس هتشوفه وبيكون في مسؤولية كبيرة جداً. 

كيف كان شعورك وتحضيرك للمسرحية ؟

بروفات كثيرة جداً علشان نكون متمكنين من نفسنا ونقدم أفضل ما عندنا وتظهر بالشكل لائق. 

لو أتعرض عليك مسرحية مع مخرج محترم وشخصية محترمة زي الدكتور يحي الفخراني توافق ولا ترفض؟

أوافق طبعا وليا الشرف أن أمثل مع الدكتور يحي الفخراني. 

متي قررت تقف وقفة مع نفسك وتقول خلاص لازم ابدأ أمثل في مسلسل؟

كان من زمان تفكيرى أمثل برا مصر وجوا مصر يكون أفلام اكشن لانى شوفت فى الاكشن اللى ظهر على جيل السقا و عز طفره فى مصر و عمرى ما فكرت اشتغل مسلسلات نهائى الا بعد طفرة المسلسلات اللى حصلت على يد المخرج محمد شاكر خضير ٢٠١٥ و ٢٠١٦. 

مين الداعم الوحيد الاول ليك ووقف معاك لحد ماشافك ناجح ولامع في مجال الفن؟

لا كثير عيلتي والجمهور

هل الأسرة كانت معارضة لتمثيلك أم داعمة ليك؟

داعمة اكيد

ما هو الشعور المتبادل بينك وبين أسرتك بعد ظهورك في أول مسلسل ؟

فرحو وكانوا فخورين بيا وباللى بحققه 

هل فكرت أن تدخل مجال السينما من بعد تمثيلك في التلفزيون؟

دا هدفي الأول إن شاء الله إني أدخل في مجال السينما بأفلام.

وفي نهاية حوارنا بنشكرك يا شريف على هذا الحوار وتتمني أسرة جريدة عالم النجوم مزيد من التوفيق والنجاحات القادمة لك

 

نهى مرسي

نائب رئيس تحرير الموقع
زر الذهاب إلى الأعلى
هذا النص خاضع لحقوق الملكية