أهل المغنيحواراتعالم الفن

هاني الاسمر يكشف عن طقوسه الرمضانية وعن دور مصليحي بولاد إمبابة 

هاني الاسمر كنا بنعمل الزينة بأيدينا ونتفرج على جدو عبدو وبوجي وطمطم وعمو فؤاد

هاني الاسمر يكشف عن طقوسه الرمضانية وعن دور مصليحي بولاد إمبابة 

هاني الاسمر يكشف عن طقوسه الرمضانية وعن دور مصليحي بولاد إمبابة 
هاني الاسمر

خاص بعالم النجوم

هاني الاسمر ، أثبت أن أبن الوز عوام  ، فهو أعمل لايك وشير عشان يوصلك كل جديد اول بأول ?
#جريدة_عالم_النجومموهوب بالوراثة ، بدأ الغناء  بتشجيع من والده الراحل حسن الأسمر وقدم عدد كبير من الأغاني الشعبية كما أعاد غناء عدد من أغاني والده، كما شارك في بطولة فيلم شارع محمد علي وفي مسلسل سرايا حمدين ومسرحية بالعربي منظرة  مع الفنان سامح حسين ونخبة من النجوم وشارك مؤخرا في مسلسل ولاد إمبابة الذي سيعرض في رمضان القادم.

ما الأجواء الخاصة والطقوس التي تداوم عليها في  شهر رمضان الكريم؟

شهر رمضان شهر العبادة والصوم والصلاة وكل الروحانيات الحلوة والحاجات الجميله جد ، أنا كنت بخلص  صلاة التراويح و أرجع أقعد على القهوة في المنطقه ده كان موضوع حلو قوى بس طبعا نتيجة الظروف والمحنة اللي احنا فيها ، واللي العالم كله فيها ، هنتحرم من ده ، ربنا يزيح عننا الغمة جميعا يارب بحق جاه النبي .

هاني الاسمر يكشف عن طقوسه الرمضانية وعن دور مصليحي بولاد إمبابة 
المطرب هاني الاسمر
ايه الشئ اللي كنتي بتحبيه في رمضان زمان افتقدته في رمضان دلوقتي ؟

زمان  قبل زمن السوشيال ميديا و قبل الكلام  ده كله ، كنا نقعد نعمل الزينه بأيدينا،  وكنا نلم الاولاد اللي في سننا في الحاره كده اونلم  من بعضينا كده والعيال كلها كده تلم نفسها ونجيب الخيط  زينه رمضان بايدينا ونطلع على السلم وندخل على شباك ده وبلكونه ده ونعلقها ونحط النور الجميل كانت حاجات تانيه حلوة أوي ، إنما دلوقتي العيال بتلعب ببجي ومعرفش ايه  ، والكلام ده اللي احنا مش فاهمين ده ايه اساسا اكيد في اختلاف كبير .

إيه أكتر أكلة بتحب تاكلها من وانت صغير أول يوم رمضان ؟ واكتر اكلة بالنسبالك بتميز رمضان ؟

الاكلة بالنسبه لي اللي بتميز رمضان بصي انا اصلا بحب كل الاكل  الحمد لله ، بحب الاكل كله يعني في حاجات كده معينة بسيطة مباكولهاش ، لكن  بالنسبة لي رمضان يعني حلويات كنافه وقطايف هو ده رمضان يعني انا اصلا ممكن افطر على  كوبايه الخروب أو أي مشروب و أبقى كده فطرت و اقعد بقى بعدها أكل كنافة وقطايف و أي حلويات .

أكتر حاجة في التلفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

اكثر حاجه في التلفزيون كده ، كانت بتحسينا أن رمضان جه ، أما كنا  وأحنا صغيرين بنتجمع ونتفرج على عمو فؤاد للأستاذ العظيم فؤاد المهندس ، أو على “جدو عبده ” للأستاذ طبعا عبد المنعم مدبولي  ، وكمان على بوجي وطمطم ، وكنا بنتفرج على الفوازير بقى نيللي و شيريهان الف ليله وليله. كنا لازم نتفرج على الحاجات دي وبعد كده  بقى نجري وننطلق و نلعب. فرق كبير جدا بين اللي كان بيتعرض زمان ودلوقتي حقيقي شتان .

هنشوف هاني الاسمر في رمضان في اولاد امبابة صح ؟ ممكن نبذة صغيرة عن دورك؟

أه فعلا بأذن الله ، و انا باعمل شخصية مصيلحي  وهو موظف في السجل المدني بيحاولوا بيدوروا على اوراق مهمه بس وهو الوحيد اللي يقدر يساعدهم فمن خلال ده بتدور  الاحداث بين مصيلحي والأستاذة فريدة سيف النصر ومصطفى ابو سريع وعمرو رمزي و شمس وسعد الصغير ، وتدور الأحداث بينه مع الشخصيات كلها وبيبتدي يحصل لينك حلو بينه وبين أفراح اللي هيا  شمس .. إيه اللي هيحصل بعد كده هو ده اللي هنشوف بقى في المسلسل ولا انتي عايزة توقعيني ….

هاني الاسمر يكشف عن طقوسه الرمضانية وعن دور مصليحي بولاد إمبابة 
هانى الاسمر
تفتكر هيكون في تراويح ولمة  العيلة السنة دى ولا الوضع اللى احنا  في بسبب كورونا هيستمر ؟

بصي  هو اللي ظاهر لغايه دلوقتي لأ طبعا  ، لكن اتمنى يكون في صلاة التراويح بس  غالبا عشان الظروف اللي احنا فيها ممكن متكونش موجوده ، في احنا بنتمنى من ربنا انه يزيح الغمة في الفتره دي عشان نرجع  نفرح بروحانيات رمضان الجميله و طبعا لو مافيش هنعمل ايه يعني غصب عننا جميعا ، للحفاظ على الناس وعلى اولادنا و على اخواتنا وامهاتنا  ومصر كلها يا رب هنعمل ايه في كورونا بنت الل… ولا بلاش ..

تحب تقول أيه لمحبينك وللشعب المصري بمناسبة قدوم شهر رمضان؟

احب اقول لمحبيني والشعب المصري والناس كلها يارب في العالم العربي كله أقوالهم  كل سنه وانتم طيبين ورمضان كريم علينا وعليكم وعلى امه محمد جميعا وعلى الناس كلها اجمعين ويارب كده يكون شهر الخير والرحمه والله وكل حاجه حلوه ولو حد زعلان مني قبل رمضان والنبي سامحيني لو هي دي اهم حاجه عندي بالنسبه لي وكل سنه وانتم طيبين و في مصر كلها طيبه بناسها بجيشها بشعبها بقيادتها بكل من عليها كبير وصغير كل سنه وهم طيبين ورمضان كريم علينا وعليكم يا رب

 


زر الذهاب إلى الأعلى
هذا النص خاضع لحقوق الملكية