حواراتعالم الفن

حمدي حفني كنت بحب في رمضان زمان الحب والتسامح واللمة الحلوة

اقرأ في هذا المقال
  • حمدي حفني كنت بحب في رمضان زمان الحب والتسامح واللمة الحلوة
  • حمدي حفني رمضان يعني ختم القرآن والعبادة ويعني المسحراتي والقطايف

حمدي حفني كنت بحب في رمضان زمان الحب والتسامح واللمة الحلوة

حمدي حفني كنت بحب في رمضان زمان الحب والتسامح واللمة الحلوة
الفنان حمدي حفني


إعداد وحوار / دعاء نصر 

حمدي حفني فنان أتقن في أداء الأدوار الكوميدية. بشكل جيد وبارع. حيث تمكن من لفت أنتباه الجمهور وحفر دوره في الذاكرة. رغم أن معظم مشاهده قصيرة.
ومن أهم وأبرز أدواره في السينما. دوره في فيلم “كتكوت”. مع الفنان محمد سعد.

فيلم “مراتي وزوجتي”. مع رامز جلال. وفيلم “يوم من الأيام” مع النجم محمود حميدة.

كما برع في دور “رجب” تاجر الآثار بمسلسل “سلسال الدم” ولقى صدى كبير على مدار عدة أجزاء وغيرهم من الأدوار التي نالت إعجاب مشاهديها .

ما الأجواء الخاصة والطقوس التي تداوم عليها في شهر رمضان الكريم؟

الطقوس اللي نمارسها في رمضان الصيام والصلاة و ختمة القران بس مفيش حاجة تانية والدعاء ، ولو كان ليا عمل في التليفزيون بتابعه ، وبس دي الطقوس يعني ، انما شهر رمضان ده يعني شهر عبادة وقراءة قرآن و دعاء وكده يعني دي الطقوس

حمدي حفني كنت بحب في رمضان زمان الحب والتسامح واللمة الحلوة
حمدي حفني

ايه الشئ اللي كنت بتحبها فى رمضان زمان افتقدته في رمضان دلوقتي ؟

وكنت بحب زمان حاجات كتير اوي اوي اوي اوي ، الحب والتسامح ، واللمة الحلوة والنَّاس الطيبة وحاجات كتيرة اوي الحقيقة يعني كانت موجودة في رمضان ، و صلاة الفجر في الجامع يوميا وحاجات كتيرة الحقيقة كانت أهمها التسامح
الحب والرضا والمحبة اللي كانت بين الناس وبعضها مسلمين ومسيحين الحقيقة يعني مفتقدة الايام دي مش عارف بقي علشان الواحد سنه كبر بتاع وكده ممكن انما حقيقة بدأت تنقرض يعني

إيه أكتر أكلة بتحب تاكلها من وانت صغير أول يوم رمضان ؟ واكتر اكلة بالنسبالك بتميز رمضان ؟

بالنسبة للاكل الحمد لله وفضل ربنا يعني انا بكل اي اكل يعني ، انما فى رمضان القطايف طبعا القطايف والكنافة ولقمة القاضي كنا بنسميها زلابية كانت بتعملها امي اللي يرحمها في البيت دي الحاجة الوحيدة اللي في رمضان وطبعا البلح واللبن والحاجات دي اللي بتبقي قبل الفطار كده يعنى انما القطايف هي دي الاكلة اللي بحس بيها اني في رمضان .

أكتر حاجة في التلفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

المسحراتي طبعا بصوت الشيخ سيد مكاوي ده كان اساسي يعني الحقيقة يعني

تفتكر هيكون في تراويح ولمة العيلة السنة دى ولا الوضع اللى احنا في بسبب كورونا هيستمر ؟

والله العالم كله الحقيقة في قلق و في توتر وفي محنة كبيرة اوي بسبب كورونا دي ، انما عموما في النهاية الدولة حريصة على شعبها وبتحافظ عليه وعلى اد ما تقدر بتمنع التجمعات والصلاة ساي كانت في الجوامع أو في البيوت ربنا بيتقبل يعني ف ربنا يارب يزيح الغمة دي وترجع تفتح الجوامع تاني ونسمع الأذان والنَّاس تصلي وتعبد ربنا يارب يارب

الفنان حمدي حفني تحب تقول إيه لمحبينك وللشعب المصري بمناسبة قدوم شهر رمضان؟

احب اقول للناس في رمضان يعني يحبوا بعض ويبقي في تسامح وفِي حب ونحب الخير لبعض وادينا شايفين بنعيش ايام صعبة جدا وكله يحس ان المسالة في ثانية ممكن البني ادم ميبقاش موجود في الحياة فياريت الناس تحب الخير لبعض ويحبوا بعض وتبقى حنينة علي بعض اكتر من كده وتراعي ببعض وتحس بعض و يارب كل سنة ومصر طيبة والعالم العربي كله طيب

 

دعاء نصر

رئيس مجلس الإدارة والمشرف العام على التحرير
زر الذهاب إلى الأعلى
هذا النص خاضع لحقوق الملكية