أخبار وتقاريرحواراتعالم الفن

هاني البحيري انا لغاية دلوقتي لسه عيل صغير بحب انزل اجيب الفانوس

اقرأ في هذا المقال
  • هاني البحيري انا لغاية دلوقتي لسه عيل صغير بحب انزل قبل رمضان اجيب الفانوس
  • هاني البحيري مش ضد الحجاب انا امي محجبة ونص عيلتي محجبات ، انا مع الحجاب مليون في ال ١٠٠

هاني البحيري انا لغاية دلوقتي لسه عيل صغير بحب انزل اجيب الفانوس

هاني البحيري انا لغاية دلوقتي لسه عيل صغير بحب انزل اجيب الفانوس
المصمم العالمي هاني البحيري

 

إعداد وحوار / دعاء نصر 

هاني البحيري مصمم الأزياء المفضل لدى كبار نجوم الفن. فهو صاحب لمسة خاصة. جعلته يتربع على عرش قائمة أشهر مصممي الأزياء في العالم سواء مصروالعالم العربي وفي فرنسا وإيطاليا والعديد من البلدان وفي مختلف أنحاء العالم. والحاصل على العديد والعديد من الجوائز العربية والعالمية .

تكملة لما بدأناه بالأمس نكمل حدثنا مع العالمي هاني البحيري الذي يتحدث عن أسرار خاصة به ولم يعلن عنها من قبل .

ايه الشئ اللي كنت بتحبه فى رمضان زمان وافتقدته في رمضان دلوقتي ؟

هو صراحة لمة الأسرة اللي هي الناس اللي كلها مهتمية ان بس مش الاكل. والشرب ان انتي تهتمي مثلا بتفاصيل كل فرد في الاسرة هو بيحب ايه ، و حتى نفسي نجتمع على سفرة واحدة.

فعندك عدة أشياء على السفرة فانتي الاسرة دي فيها مثلا اخواتك مثلا. و والدتك ، خالك قرايبك اللي بيفطروا معاكي ده حاجة. اللمة ، الصحبة العادات. والتقاليد الخير اللي في رمضان الطبيعي ، عدم الناس artifical الموجودة كلهم حواليكي دلوقتي ، الناس كلها artificial زمان كانت الناس حقيقية.

كانت الناس بتحب رمضان علشان فعلا الخير فيهم وجواهم ، انا لغاية دلوقتي يعني لسه عيل صغير بحب انزل قبل رمضان اجيب الفانوس وأجيب فوانيس للناس اللي انا بحبها. يعني بعمل اوردر ، يعني اقوله مثلا الفانوس ده هات لي منه ١٠ ، ده هات لي منه ده ١٥ ، من ده ٢٠. من ده كذا ، وأبدا أوزع على صحابي وعيلتي وقرايبي وبعض الفنانين.

وحاجة رمضان الحمد لله ربنا يديمها العمر والصحة امي لغاية النهاردة امي طول عمرها الحمدلله ربنا يديها الصحة والعمر هي بتحب انها تكون كبيرة العيلة بتحب انها تجيب حاجة رمضان من كل حاجة خزين رمضان وياميش رمضان ولغاية دلوقتي الحمدلله ربنا يديها العمر والصحة .

هاني البحيري انا لغاية دلوقتي لسه عيل صغير بحب انزل اجيب الفانوس
هاني البحيري

أيه أكتر الطقوس اللي حضرتك متمسك بيها وما أفتقدتهاش مع مرور الزمن؟

عندنا طقوس يمكن ما فقدنهاش لاننا متمسكين بيها اووووي عشان ربنا سبحانه وتعالي قال الماسك علي دينه كماسك جمرة من النار عن النبي عليه الصلاة والسلام قال كده ، بنحاول بس طبعا مفتقدين الروح الحقيقية بتاعة رمضان ، اللي هو بقي الناس الحقيقة ، ناس مفيش كدب ، مفيش لوع ، مفيش حقد ، مفيش غيرة ، مفيش نميمة ،

انتي بتلاقي الناس الصبح محجبين وبالليل الناس مش محجبين ، بتبقي الصبح من غير مكياج ، بالليل بمكياج ، طب ايه الفرق انتي صايمة يعني بطنك وجعاكي انتي مااكلتيش طب ليه سوري مش لازم اشوف حجاب شعرك لكن اشوف حجاب قلبك ألطف بكتير يعني انا مش فارق اوي معايا اوي حجاب الشعر زي حجاب اللسان وحجاب القلب والقلب احلي كتير ،

حجاب اللسان هيمنعك عن النميمة وعن الكدب وعن الزيف ، و تبقي محجبة وبتكدب ومحجبة وبتتأخر ومحجبة … انا طبعا مش ضد الحجاب انا امي محجبة ونص عيلتي محجبات ، انا مع الحجاب مليون في ال ١٠٠ بِس قصدي ان انا بشوف تناقضات غريبة بتخليني اقول طب ليه بتعملوا كده في رمضان ؟ هو رب رمضان مش هو رب باقي الشهور الباقية ؟ هو هو رب العباد ورب الشهور كلها ، فاللي يتقي الله يجعل له مخرجا ويرزقه من غير أن يحتسب

انتظرونا مع مصمم الأزياء المصري العالمي هاني البحيري وسلسلة خاصة من الحوارات الحصرية فقط مع عالم النجوم

دعاء نصر

رئيس مجلس الإدارة والمشرف العام على التحرير
زر الذهاب إلى الأعلى
هذا النص خاضع لحقوق الملكية