حواراتعالم الفن

عنبر في حوار خاص بعالم النجوم تبوح بـ أمنياتها وطقوسها الرمضانية

اقرأ في هذا المقال
  • عنبر في حوار خاص بعالم النجوم تبوح بـ أمنياتها وطقوسها الرمضانية
  • عنبر كنت بحب في رمضان زمان لمة العيلة والأصحاب وفقدته بفقدان ماما الله يرحمها

عنبر في حوار خاص بعالم النجوم تبوح بـ أمنياتها وطقوسها الرمضانية

عنبر في حوار خاص بعالم النجوم تبوح بـ أمنياتها وطقوسها الرمضانية
الفنانة عنبر

إعداد وحوار/ دعاء نصر 

عنبر .. فنانة موهوبة تمتلك أدوات جيدة ، متنوعة في أدائها. وتمتلك خفة ظل. ملامحها جذابة ورقيقة لكنها لم تأخذ حقها وفرصتها الحقيقية ولا المساحة المناسبة حتى تؤدي كل ماتمتلكه من موهبة ، درست علم النفس بكلية الآداب ثم انتقلت لدراسة القانون بكلية الحقوق جامعة القاهرة. حيث كانت بدايتها مع التمثيل من خلال مسرح الجامعة، حيث شاركت في العديد من المسرحيات، قبل أن تشارك في مسلسل “سر الأرض” مع الفنان أحمد أدم.  و لكن الانطلاقة في البداية بعد سر الارض كان بطولة فوازير القناة السابعة في التلفزيون المصري وكان اسمها فزورة ورد غطاها من إخراج عصام الفولي وايمن البيومي.
ثم شاركت في العام التالي بمسلسل “حكايات مجنونة”، فيلم “صمت الخرفان”، توالت بعدها أعمالها ما بين السينما والمسرح والتلفزيون، والتي من أبرزها (أنا وهؤلاء، السندريلا، حاحا وتفاحة ، ريا وسكينة “، “عفاريت عدلي علام “.

ما الأجواء الخاصة والطقوس التي تداوم عليها في شهر رمضان الكريم؟

الأجواء الخاصة والطقوس بالنسبالي هو شهر الخير والتسامح والعبادة لله عز وجل ولازم ختم القران فيه لو استطعت بختمه اكتر من مرة.
وبرضه من طقوس رمضان بالنسبالي الفانوس مهم جدا بالنسبالي. وزينة رمضان انا بحب ودي من الحاجات اللي مواظبة عليها دايما بتحسسني بالسعادة وبرمضان.

عنبر في حوار خاص بعالم النجوم تبوح بـ أمنياتها وطقوسها الرمضانية
الفنانة عنبر

ايه الشئ اللي كنتي بتحبيه في رمضان زمان افتقدتيه في رمضان دلوقتي ؟

اللي كنت بحبه في رمضان زمان لمة العيلة والأصحاب بنتجمع كنا مع بعض ولكن فقدته دلوقتي بفقداني لماما رحمة الله عليها رمضانها في الجنة لان هي كانت سبب فرحتي. وهي اللي كانت بتجمع الكل حوالينا في رمضان بس هي في مكانه احسن. ويارب في الجنة ونعيمها ، وطبعا من الحاجات المهمة اللي فقدناها في الشهر الكريم فتح المساجد وصلاة التراويح.

إيه أكتر أكلة بتحبي تاكلها من وانت صغيرة أول يوم رمضان ؟ واكتر اكلة بالنسبالك بتميز رمضان ؟

اكتر اكله بحبها من وانا صغيرة وماما كانت اول يوم رمضان تعملها البط والكشك الالماظية بحبها اوي.

أكتر حاجة في التلفزيون كانت بتحسسك أن رمضان أما بتتفرج عليها ؟ وايه رأيك في اللي بيتقدم في رمضان دلوقتي ؟

اكتر حاجة في التلفزيون اغاني رمضان كلها الحلوة والابتهالات التي بتعيشنا في مود حلو بحس بمتعه. وانا بسمعها ورايي في اللي بيتقدم دلوقتي في رمضان للأسف في حاجات مش المفروض تتعرض في الشهر الفضيل ده لان المفروض ده شهر العبادة والروحانيات والهدوء والسكينة يعني في حاجات كويسة و حاجات مينفعش تعرض في رمضان .

عنبر في حوار خاص بعالم النجوم تبوح بـ أمنياتها وطقوسها الرمضانية
عنبر

لا تراويح ولا لمة العيلة السنة دى بسبب كورونا أكيد ده شئ محزن بالنسبة لك ؟

أه للأسف مفيش طبعا تراويح ودي حاجة صعبة ولاول مرة بتمر علينا بس كورونا فده قدر وربنا عايز كده. واللهم لا اعتراض لكن فرجه قريب وده امتحان صعب من رب العالمين وان شاء الله ازمة وتعدي وربنا يحفظنا من كل شر اللهم امين.

أيه الدعوى التي تدعيها بتتمنيها من ربنا في رمضان؟

وامنياتي ان ربنا يرفع هذا الوباء والبلاء عنا ويحفظ شعبنا الحبيب. وارجوكم خلوا بالكم والزموا بيوتكم عشان نعدي المحنة دي بخير وربنا يحفظنا جميعا ويحفظ اطباء جيش مصر الباسل .

عنبر تحب تقول ايه لمحبينها وللشعب المصري بمناسبة قدوم شهر رمضان؟

واحب اقول لكل محبيني ولكل الشعب المصري كل سنة وحضراتكم جميعا طيبين. وبالف خير ورمضان مبارك عليكم وربنا يحفظكم وازمة وهتعدي باذن الله تعالي.

 

دعاء نصر

رئيس مجلس الإدارة والمشرف العام على التحرير
زر الذهاب إلى الأعلى
هذا النص خاضع لحقوق الملكية