مصطفى حمزة ينهي 2020 في اللوكاندة ويكشف عن امنياته2021
إعداد وحوار: دعاء سنبل
مصطفى حمزة فنان موهوب، شاب عشق التمثيل ، عُرِف عنه أدائه المميز وبراعته ، فهو لا يهتم بفكرة الانتشار بقدر ما يهتم بتقديم مضمون يترك بصمة ولو دور صغير.
ولد في عام 1986، تخرج من قسم التمثيل والإخراج بالمعهد العالى للفنون المسرحية عام 2009، وشارك في أفلام “بابا، زنقة ستات، عشان خارجين”، ومسلسلات “ناصر، آدم وجميلة، حارة اليهود”.
الفنان مصطفى حمزة في فيلم زنقة ستات
بداية: كيف بدأت مشوارك الفني؟
دخلت المعهد العالى للفنون المسرحية قسم تمثيل وإخراج منجحتش فى الدخول اول سنة قدمت تانى ونجحت ودخلت المعهد وتخرجت سنة ٢٠٠٩.
متى اكتشفت نفسك فى موهبة التمثيل وكيف اكتشفت ذلك؟
من ايام المدرسة كنت بحب التمثيل جدا وعملت حفلات فى للمدرسة كنت بمثل فيها بس مكنتش عارف اعمل ايه بالظبط عشان اوصل للاحتراف لغاية مادخلت المعهد العالى للفنون المسرحية” الحمدلله”
من وجهة نظر الممثل مصطفى حمزة مين عليه العبء الأكبر في نجاح العمل؟ الممثل ولا المخرج؟
المخرج هو اللى بيبقى شايل المسؤولية، كلها لإخراج العمل والممثل، بيبقى مسؤول فقط عن دوره فى العمل، وكيفية اتقانها، تقديم الدور بالشكل المناسب، وهكذا باقى اجزاء العمل المؤلف و مهندس الديكور، كل واحد بيبقى مسئول، عن شغله لكن المخرج، هو اللى بيبقى، شايف الرؤية كاملة للعمل كله فأكيد، المخرج هوّ اللى عليه العبء الأكبر
مشاهد مختلفة للفنان مصطفى حمزة
قمت بالوقوف أمام فنانين مختلفين منهم شباب صاعدين ومنهم عمالقة سواء تمثيل واخراج مين أكتر حد وقفت قدامه وساعدك وتتمنى تشتغل معاه تانى؟
كل حد اشتغلت معاه استفدت منه ، بس حبيت الشغل جدا مع الأستاذ النجم أشرف عبد الباقى لانه نجم كبير وفنان شامل وعينه حلوة جدا “ما شاء الله”فى اختياراته و بيتعامل معانا
والنجم حسن الرداد الأخ وصديق الدراسة بينا كميا كبيرة جداً فى الشغل.
قلنا نبذة عن دورك في الست كوم الجديد اللوكاندة؟ وده مش اول تعامل مع الفنان اشرف عبد الباقي؟
يقدم شخصيات مختلفة حسب كل حلقة
اللوكاندة هى حلقات منفصلة متصلة تُقدم على المسرح
انضميت لفرقة الاستاذ أشرف عبد الباقى عام ٢٠١٨
وعملنا عرض جريما فى المعادى.
برنامج قهوة أشرف وحاليا فى ست كوم اللوكاندة
ومبسوط جداً إنى عنصر فى فرقة الأستاذ أشرف عبدالباقى لانه مدرسة كبيرة جدا بتتعلم فيها كل حاجة الانضباط وحب الخير والجماعية فى كل شئ والتعاون .
ايه العمل اللى بعد ماعملته حسيت ان الناس عرفتك وبيقوا لما يشوفك في الشارع ينادوا عليك؟
فيلم زنقة ستات كنت عامل شخصية السقط
ومسلسل حارة اليهود كنت عامل شخصية سردينة
برنامج قهوة أشرف كنت عملت فيه القهوجي.
ايه مشروعاتك الجديدة ؟
حاليا هو مشاركتي في ست كوم اللوكاندة
2020 بما انها اوشكت على الانتهاء؟ ايه الحلو فيهابالنسبة لك؟
الحلو فر 2020 انى اشتغلت مع الأستاذ أشرف فى ست كوم اللوكاندة
ايه امنيتك لعام 2021؟
بتمنى في السنة الجديدة ربنا يكرم كل مجتهد وتكون سنة خير على الجميع، وربنا يبعد الوباء.
