سعادتي من سعادتك بقلم سعيد المسلماني
سعادتي من سعادتك ” اهلاوي وأفتخر ”
نسرك غالي ومقامه دائما عالي
قلنا عنك كتير بس مهما قولنا اكيد مش هنوفيك
الاهلي وطن والوطن غالي
ندافع عنه حتى وإن كان الألم جزء منه
كلمة أهلاوي كفيلة بإنك تكون مشجع
روح وإنتصار وإصرار وعزيمة أبطال
تقدر وتقدر اللي يوفي ليك
وتدوس على اللي يفكر يبيعك أو يقارن وجودك بغيرك
” الأهلي “
كلمة معناها الإنتماء والتواصل مهما كانت العواقب ومهما كانت الأسباب
أهلاوي بالروح وراك مهما تروح
أهلاوي بالدم يكفيك دفاعا عن شهدائك اللي فدوك بالروح والدم
بطل بلدك وكلنا عارفين
نادي القرن وكلنا متفقين
ومشرف قارتك وباذن الله منتصرين
صانع الانتصارات … باعث السعادة في كل الأوقات
حتى في الازمات بتكون قدها و تتخطى كل العقبات
مش بيشغلك ولا بيهمك تاريخ مين خصمك
اللي يشغلك الهدف اللي ساعي دائما ليه
الخطيب معاك .…… قائد ورئيس
وأبوتريكة الفنان ……… معاك في كل مكان
بيشجعك من الثالثة شمال هتاف الابطال
إختار يكون معاك ومن مكان تشجيع الأبطال
من مكان أروح الشهداء لما قالوا وقولنا معاهم
” الثالثة شمال بنهز جبال و دايما بنشجع الأبطال فريق كبير فريق عظيم أديله عمري وبرده قليل “
الأهلي الغالي نسرك دائما في العلالي
” أهلاوي وأفتخر “
