عالم النجوم

يارا نعوم والقصة الكاملة لإتهامها بالعنصرية “مش هنزل مكان الشغالة”

اقرأ في هذا المقال
  • بسنت القاضي كتبت
  • تهجم وشتائم من يارا نعوم
  • دى مقملة ومجربة
  • وابل من الشتايم
  • اعتذار الإدارة للسيدة

يارا نعوم تواجه اتهامات بالعنصرية لزوجة عماد متعب.. ويارا: هرد بالقانون

يارا نعوم
عماد متعب وزوجته

يارا نعوم زوجة عماد متعب لاعب الفريق الأول لكرة القدم بالنادي الأهلي السابق، والقصة الكاملة مع الشغالة وإتهامها بالعنصرية، وفقًا لرواية سيدة تدعى بسنت القاضي.

بسنت القاضي كتبت

وكتبت بسنت القاضي عبر حسابها على موقع التواصل الإجتماعي “فيسبوك”: “امبارح السبت 18-7-2020، أنا وجوزى وولادى و البيبي سيتر، واحنا نازليين البوول زي كل يوم فوجئت بواحدة كبيرة فالسن بتناديلي بتقولي الشغالة متنزلش أنا مش هنزل الماية مكان الشغالة”.

وتابعت: “استفزيت جدًا وراعيت فرق السن وسكت، بعدها بدقيقة جه Life guard بيقولي معلش البنت لازم تتطلع علشان لابسة قطن، المهم احترمت كلامه وطلبت من البنت تطلع تغير وتلبس بوركينى ووتر برووف زى بتاعي و قد كان”.

يارا نعوم
بسنت القاضي

تهجم وشتائم من يارا نعوم

وأضافت: “فالوقت ده عرفنا انه اللي قاعدين واحدة اسمها ي. ن مرات لاعب كورة سابق اسمه ع .م، ووالدتها”.

وواصلت: “نزلت البنت بالبوركيني وكنت معتقدة القصة انتهت، فجأة جت ي اتهجمت عليا فالبوول بتقولي، انتى يا بنتى هبلة انتى عارفة انتى بتعندى مع مين، لو مش عارفة إنك فريزورت محترم مينفعش تنزلي فيه شغالتك روحى بيها بلطيم”.

تفاصيل إعتداء يارا نعوم وزوجة عماد متعب

دى مقملة ومجربة

واضافت: “أنا مش هنزل مكانها دى مقملة ومجربة في حاجة اسمها هايچين انتي مجنونة، ده النوادي مبتنزلش شغالات، ناقص انزل مكان شغالة إيه القرف ده مش قادرة تشيلي عيالك احنا مالنا”.

وابل من الشتايم

وأكملت: “ده اللى فاكراه طبعا، غير وابل من الشتايم ومامتها بتقولها هعملكم محضر ، وأنا مسكتش طبعا وحاولت افهمها انه اللى بتقوله ده قرف وعيب وإن البنت نازلة بووتر برووف زيها زيك وحاجزة أوضة لوحدها زييها زيك”.

واستطردت: “لحد ما تدخل حد من الادارة، سألته بمنتهى الهدوء 3 أسئلة، هل المكان بيمنع البوركيني ؟ قاللي لا، البنت حاجزالها اوضة لوحدها هل بتمنع الأجانب إنهم ينزلوا البوول ؟ قاللي لا كله مرحب به، هل قبل ما تنزل البوول بتسأل عن خلفية عمله ؟ قالي لا”.

اعتذار الإدارة للسيدة

وأضافت: “الراجل مشكورا اعتذر عن غلطة معملوهاش اصلا والبنت نزلت و بعد ما المرضوع انتهى بعتولنا كادوه مشكورين”.

واختتمت: “تنا بس متعجبة إن في ناس بالطبقية وسواد القلب ده، أنا مش فارقلي مهاتراتها معايا تماما، لأني رديت عليها باللي يناسب تربيتي، اللي واجع قلبي إن البنت كانت واقفة وسامعة كل الاهانة دي بدون أي ذنب عملته”.

نهى مرسي

نائب رئيس تحرير الموقع
زر الذهاب إلى الأعلى
هذا النص خاضع لحقوق الملكية