عالم الفن

إيمان أيوب رقيقة الصوت والملامح في حوار خاص جدا مع عالم النجوم

اقرأ في هذا المقال
  • إيمان أيوب رقيقة الصوت والملامح في حوار خاص جدا مع عالم النجوم
  • الجديد والحصري في حياة الفنانة إيمان أيوب
  • نبذة عن حياة إيمان أيوب

إيمان أيوب : اتمني أقدم مسرحية غنائية استعراضية وأحب أقدم شخصية من التاريخ

الفنانة إيمان أيوب
الفنانة إيمان أيوب

حوار / دعاء نصر

إيمان أيوب بدأت حياتها الفنية ، من خلال خشبة المسرح ، بعدما تخرجت في معهد الفنون المسرحية.

أن يبدأ فنيًا ، عام ١٩٩٦ ، من خلال مسلسل “حياة الجوهري” مع الفنانة يسرا والفنان مصطفى فهمي ، وحققت من خلال هذا الدور نجاحًا مدويًا.

عملت في بدايتها كمذيعة في قناة النيل للمنوعات ؛ حيث قدم برنامج بعنوان “فاشون” يتحدث عن المرأة وما يخص الأسرة ، بدايتها في السينما كانت من خلال فيلم “العشق والدم” مع شريهان ، وصورت أول كليب لها بعنوان “أنا رايحة الدرس”.

إيمان أيوب
إيمان أيوب

ابتعدتي عن الأضواء في عز تألقك ونجاحك .. أيه السبب؟

أنا بعدت عن الأضواء بسبب كنت مهتمة ببنتي اكتر بعدت شوية عن الفن وعملت برنامج عن الموضة، والفاشون والميك آب في النايل منوعات كانت تجربة جميلة وبعدين، فتحت قناة فضائية اسمها etv كانت بتتكلم عن المراة بكل حياتها الاجتماعية والنفسية والبدنية والذهنية كل ما يخطر على بالك .

مين اكتر ممثل او ممثلة اشتغلتى معاهم وحبة تكرري التجربة مرة أخرى؟ ومين من النجوم تتمنى العمل معه ولم يحالفك الحظ حتى الأن؟

طبعا اكتر ممثل أو ممثلة اشتغلت معاه ونفسى اجرب التجربة دي تاني معاه ، اشتغلت مع احمد السقا زمان اسمه العيش والملح نفسي اشتغل مع شيريهان لان شيريهان اشتغلت معاها فيلم العشق والدم ، النجوم اللي طبعا نفسي اشتغل معاهم كتير نفسي اشتغل مع أحمد السقا، كريم عبد العزيز ، أحمد حلمي، وأحمد عز، الأستاذ عادل إمام طبعا .

الفنانة الشابة إيمان أيوب
الفنانة الشابة إيمان أيوب

تابعتي مسلسلات رمضان 2020 .. أيه إكتر مسلسل شدك وأكتر ممثل عجبك؟

مسلسلات رمضان كانت كلها حلوة عجبني البرنس وعجبني اكتر من مسلسل

إيمان أيوب أيهما تفضل السينما أم المسرح أم الدراما ؟ ولماذا ؟

أنا بنتمي طبعا للدراما لأن بدايتي فيها لكن السينما طبعا غالية علي قلبي لأنها ارشيف ، المسرح طبعا أبو الفنون وانا خريجة فنون مسرحية بنتمي ليه وبحبه جدا واتمني أقدم مسرحية غنائية استعراضية.

لو حبيتي تجسدي شخصية فنانة أو شخصية تاريخية تختاري مين؟

لو حبيت أمثل شخصية فنانة تاريخية طبعا أحب اقدم شخصية من التاريخ ، بحر العذراء مريم متوقف أتمني ان المشروع ده يرجع تاني

كلميني عن دورك في البيت الكبير ورد فعل الناس لما بيشفوكي بعده؟

البيت الكبير طبعا كان دور شمس دور متميز وجميل كانت دايما بتبعد عن الشر ، ودايما كانت بتحاول تضم كل الاسرة للخير ، لقيت ظلم من جوزها لقت ظلم من بنت عمها لقيت ظلم كمان من بنت عمها اللي قتلت ابنها ، جوزها اللي اتجوز عليها وسرق ذهبها وبنت خالها اللي كانت بتحبها جدا واتامرت عليها حتي المفروض اللي هيا مرات اخوها اللي كانت دايما واقفة في صفها ، لاقيتها خانتها مع زوجها مأساة كبيرة لشمس من خلال تلات اجزاء الحمد لله نجح وعجب الناس جدا.

أيه أكتر دور عملتيه حاسة أنه الأقرب لقلبك وأشمعنا؟

انا حاسة طبعا من بدايتي في دور ايمان في حياة الجوهري وشمس كمان قريبة ليه اوي في البيت الكبير.

أيه الفرق بين الفن زمان والفن دلوقتي؟ من وجهة نظرك؟

الفرق بين الزمان ودلوقتي لا الفن كان فن بجد ومش بس للتجارة الفن دلوقتي بها هو فن بس التكنيك بتاع الشغل اختلف ، التقنية نفسها اختلفت وللتطور احسن بس احنا محتاجين كتاب اكتر

النجمة إيمان أيوب
النجمة إيمان أيوب

أيه الجديد والحصري خلال الفترة القادمة؟

الجديد ان شاء الله بقرأ مسلسل كده بس ربنا يسهل لسه مش عايزين نتكلم عنه

أمنيات الفنانة الشابة إيمان أيوب قبل أنتهاء 2020 ؟

أمنيتي قبل انتهاء 2020 ، انتهاء كورونا من العالم كله وميبقاش في حد مريض انتهاء الفقر والجوع من كل العالم ، وميبقاش في مجاعات الناس تعيش في سلام.

تحبي تقولي ايه لجمهورك ومحبيكي بمناسبة قدوم عيد الأضحى؟

أحب أقول كل سنة وانتم طيبين طبعا كل الجمهور الجميل وأتمني يارب ان شاء الله السنة الجاية مايكونش فيها كورونا

تهنئ فراشة الشاشة إيمان أيوب جمهورها بعيد الأضحى المبارك

https://youtu.be/IKcue8pt31Q
الفنانة الشابة إيمان أيوب

دعاء نصر

رئيس مجلس الإدارة والمشرف العام على التحرير
زر الذهاب إلى الأعلى
هذا النص خاضع لحقوق الملكية