إيمان أيوب بغضب شديد “ارحموني من التنمر وفي ناس دعوا عليّا بالموت”
كتبت/ مادونا عادل عدلي
في حالة من الغضب الشديد عبرت لفنانة إيمان أيوب عن استيائها الشديد من الهجوم الذي تعرضت له بعد ظهورها في أحد البرامج التليفزيونية مؤخرًا، إذ واجهت انتقادات لاذعة طالت شكلها ومظهرها، وصلت إلى حد التنمر والدعاء عليها بالموت.
حيث أكدت إيمان أيوب، في بيان، أن هذه الانتقادات أثرت عليها نفسيًا بشكل كبير، قائلة: «بينتقدوا شكلي وبيقولولي عاملة عمليات في وشي، مع إن الحقيقة إن الميكب هو اللي كان مطلعني كده، أنا عاملة فيلر بس، وده شيء عادي وكل الناس بتعمله، لكن وشي طبيعي من غير ميكب أو فلتر».
ووضحت الفنانة أنها لم تخضع لأي عمليات تجميل، داعية الجمهور للتحقق بأنفسهم، حيث قالت: «شوفوا وشي بنفسكم، مش هتلاقوا أي أثر لعمليات تجميل، وأرجو إن الناس ترحمني من الافتراضات والتنمر».
وتابعت إيمان: «للأسف، الهجوم وصل للدعاء عليّا بالموت وشتايم عنيفة، في ناس قالوا لي (يا رب تموتي) وكلام جارح زي (منك لله) وغيرها، الله يسامحهم، بس بجد الكلام ده بيوجع، وأنا مأذتش حد في حاجة».
وانهت بيانها بتوجيه رسالة قوية إلى منتقديها: «ارحموني من التنمر والتطاول، الكلمة سيف وسلاح، وأنا مش فاهمة ليه الناس مستبيحة إنها تجرح وتؤذي بالكلام، ربنا يسامح كل اللي قال كلام جارح، لكن حقيقي ده حرام عليكم».
