أخبار الرياضةفضائيات T.V

لميس الحديدي .. تعلق على أزمة “كهربا “محمد فضل”

لميس الحديدي .. تعلق على أزمة “كهربا “محمد فضل”

لميس الحديدي .. تعلق على أزمة "كهربا "محمد فضل"
لاميس الحديدي

لميس الحديدي: مش شايفة كهربا غلطان وكابتن فضل كان لازم يبقى أهدى لانه مسؤول

علقت الاعلامية لميس الحديدي على تتويج الاهلي على بطولة الدوري العام قائلة ” عاوزة أحيي النادي الاهلي وده خبر سعيد بالنسبة ليا وده شيء طبيعي بالنسبة للاهلاوية لكن دائماً بنقول إلى الامام ياهلي إفريقيا ياأهلي وإن شاء الله دائما نحتفل

أضاف عبر برنامجها ” كلمة أخيرة ” المذاع على شاشة ” ON” قائلة ” ساعات على فكرة بنتعرض لعثرات لكن دائماً كل واحد بيحب النادي بتاعه بيقف وراه حتى لو تعرض لعثرات بنقول معلش إغتلبت المرة دي مش مشكلة هقف معاك وتتعوض المرة الجاية “.

وتعليقاً على الجدل في أعقاب الخلاف الذي وقع بالامس بين كابتن كهربا ومحمد فضل ممثلاً للجنة الخماسية قالت ” الحكاية كبرت أوي كهربا كان شايل إبن مؤمن زكريا وزكريا كان بيشارك ودي كانت لفتة كويسة جداً من النادي الاهلي وبحي مؤمن زوجته … ناس كتيرة علقت على المشادة التي حدثت بينهما وده عيب جداً يحصل في حفل تتويج وناس قالت كهربا غلطان وانا الحقيقة مش شايفة كهربا غلطان لاني شايفاه جاي من بعيد واقف ومبسوط وأنا الصراحة كنت أتمنى من كابتن محمد فضل وهو يمثل إتحاد الكرة أن يكون صدره رحب بشكل أكبر

لجنة تنظيم

وتسائلت الحديدي ” هو كان فيه لجنة بتنظم وأنا مش واخدة بالي ؟ أنا سألت وقالولي لا لو كانت اللجنة مظبطة القواعد يمكن مكنش حصل ده ؟ كهربا كان جاي من عندة اللعيبة كان إيه لزمته التشابك بالايدي ؟

وانا أظن أنا محمد فضل رجل محترم مسؤول يمثل إتحاد الكرة كان لازم يبقى أهدي من كده إلا لو كان فيه خلاف قديم دي قصة تانية الصراحة كان لازم يكون كابتن فضل أهدى شوية لانك دائما لما بتكون مسؤول لازم تكون صدرك رحب وتعدي الامور لكن نمسك في بعض كده ؟! وانت برضه ياكهربا ماتبقاش حمقي اوي كده ؟ لكن أحيي النادي الاهلي وأظن ان الموضوع مش محتاج عقوبة .

مايسة محمد عبد الحميد

نائب رئيس مجلس إدارة الموقع
زر الذهاب إلى الأعلى
هذا النص خاضع لحقوق الملكية