عزيز الشافعي لجمهوره النقد ليه أصول كتير اولها العلم و أهمها الأدب

كتبت :مريم عوض

نشر الشاعر والملحن “عزيز الشافعي ” منشوراً له عبر حسابه الرسمي على موقع التواصل الاجتماعي فيسبوك وعلق قائلا ً;كتير بيتعرض اي حد ف شغله لتشكيك او هجوم ممنهج في صورة نقد و هو ابعد ما يكون عن النقد، لإن النقد ليه أصول كتير اولها العلم ، و أهمها الأدب.

وتابع :عالعموم كلنا ممكن نتعلم من نصيحة أمير الشعراء أحمد شوقي لموسيقار الأجيال محمد عبد الوهاب لما أتعرض لهجوم شرس غير عادل وغير محايد في بداياته ، فقاله شوقي هات الصحف دي كلها يا عبد الوهاب و أقف عليها ..

وأضاف :هتكتشف ان الهجوم ده علاك و كبرك.. وكانت نصيحته دايما انه مايردش عالحاجات دي .. و دي نصيحه من دهب.

وواصل: أكيد ده مالوش علاقه بالنقد المحترم الي مهما كان قاسي بيبقى مفيد جدا عشان الواحد يتعلم منه و مفيش حد كبير على العلم ، و كلنا هنفضل نحاول لحد اخر لحظه اننا نجود ف شغلنا و مفيش سقف للطموح .. و ده كلام كلنا ممكن نستفيد منه.

وفي سياق منفصل طرحت أغنية خطير خطير المطرب أحمد جمال والأغنية من كلمات وألحان عزيز الشافعي، توزيع جلال الحمداوي. وتصدرت الأغنية فور نزولها ونالت على إعجاب الجمهور.