العلاقات المؤذية … … بقلم : صابرين جابر
كتير منا يدخل في علاقات سواء كانت هذه العلاقات إنسانية تجعل حياتنا أفضل. وفي علاقات تانيه مؤذية بتخلينا متلغبطين بتخلينا مترددين بتخلينا نفقد الثقه. في كل اللي حوالينا العلاقات دي رغم ان احنا عارفين انها بتأذينا. الا اننا بتستمر فيها مش بنقدر نتخلى عنها فكره الانسحاب فيها اوقات بيبقي صعب بس السؤال اللي دايما بنسأله لنفسنا لحد امتى. هتفضل ترهق نفسك مع أشخاص مؤذيين. لحد امتى هتفضل حاسس ان حياتك في أيديهم هما وبس وانك مجرد التخلي. او البعد معناها نهايه الحياه هي ذنب عفويتك. وطيبه قلبك مع اشخاص مرضى نفسيين ايه ذنب تربيتك وأخلاقك. واسلوبك الراقي مع أشخاص بتحاول تشوه الحاجه الحلوه اللي جواك العلاقات دي بتاخد منك كتير بتاخد منك حيويتك بتاخد منك طاقتك اللي دايما يستنزفها معاهم بتخليك شخص تاني.
فاقد الثقة فاقد الرغبه في الحياه عشان كده العلاقات دي لازم تتعافى منها. لأنها استنزفت منا اجمل مشاعر وأجملها نقاءا وبراءه علي الرغم انك ممكن تتعافي عنها الا انها بتسيب اثر جواك بتخليك دايما خايف من دخولك اي علاقه. او حتي التقرب من الناس لعدم ثقتك فيهم لازم انت اللي تحاول تعافي نفسك تخرج اي علاقه سامة من حياتك. وانك ماتندمش علي اللبن المسكوب لازم تقاوم أي شعور جواك لحد ما تخلص من كل المشاعر اللي ممكن تحبطك او نرجعك للأشخاص المؤذيه.
واهم حاجه لازم حياتك تكون ليها أهداف عايز تحققها ماتبنيش أهدافك وأحلامك. وطموحاتك علي اشخاص لان في الاخر الاشخاص ممكن يتغيروا وفي الاخر ركز علي نفسك. ولازم تحبها وحاول تحميها من العلاقات المؤذيه
