بكاء شيرين عبد الوهاب وحسام حبيب يتدخل مع عمرو أديب
تقرير: مادونا عادل عدلي
تحدثت الفنانة شيرين عبد الوهاب، في مداخلة هاتفية على الهواء مع الإعلامى عمرو أديب ببرنامج الحكاية تعليقا على التسجيل الصوتي لوالد زوجها حسام حبيب.
قائلة: “بحاول امشي جوه الحيط، وقت ما موضوع الاتهامات الغريبة كنت في أمريكا كان عندي مشكلة، والحمد الله، وليا 27 سنة تعبت فيهم جدًا بتأذي نفسيًا عشان أنا شخص حساس، وهناك ناس كتير جدًا وقفت جنبي”.
وعلق الفنان حسام حبيب على التسجيل الصوتى لوالده ضده وزوجته الفنانة شيرين عبد الوهاب: “الحمد الله عندي ثقة في مراتى وعلاقتها بيا دى مش بتاعة أي حد.
وتابع “وفي حد عاوز يهد شيرين، هم أشخاص كانوا بيشتغلوا معاها في الوسط وحصل مشاكل وأصبح الناس دي مش موجودة، واكتشفت إن التفاصيل البسيطة اللى بتخرج برة البيت هي دي بقى المصيبة الكبيرة.
والموضوع بقى أكبر من حسام وشيرين”، مضيفًا: “لو شيرين فاتحة محل فول وتعرضت لأزمة هسيب فني وهنزل أقف معاها في المحل”.
وأضاف حبيب، خلال المداخلة نفسها: “المذيعة دي بتعمل عمل استقصائي ويخترق حياة الراجل، وحضرتك تسمي هذا العمل الاستقصائى ومين الشخص مش هرد، ده مصدري والقاضي لو سألنى هقوله كده.. واتهمت الإعلامية 12 مليون فلورز إنهم ربورتر ودي شبكة تجسس بتخترق شخصيات مهمة، وكانت بتكلم والدي لمدة 6 شهور، ولكن الخطورة إنها بتسأل في خصوصية”.
وتابع: “يوم انتشار التسجيل شيرين صحتني من النوم بتقولي الحق والدك، بقولها ماله توفى ولا إيه، قالت لي لا في تسريب ليه، والبنت اللي كلمت والدك بعتتلي قبل النشر على الفيس والوتس آب وسمعتنى جزء أوحش من اللي اتذاع، وقالت إن لسه عندي فيديوهات كتير منزلتهاش”
مضيفًا: “محدش يقدر يستفزني والبنت دي هددتني لو مدفعتش ليها 2 مليون جنيه هتذيع التسريب، قولت ليها تعالي خدي 2 مليون جنيه ونزليه”.
وأوضح حسام حبيب: “آخر ألبوم ليا 2016 والغناء واخده هواية ولا بدخل في عمل شيرين وأنا شغلي لوحده، ووجودي مع شيرين في شغلها شرف كبير، وأنا بحب الست دي من قبل مانتجوز”.
وما زالت أزمة النجمة شيرين عبد الوهاب وزوجها حسام حبيب الأكثر تداولاً على الساحة الفنية وعلى صفحات مواقع التواصل الاجتماعي، بعد تسريب تسجيل صوتي لوالد حسام حبيب، يتحدث فيه عن رغبة ابنه في الزواج من أخرى غير المطربة شيرين، وأوضح في التسجيل الصوتي أن حسام متحكم في كل أموالها وأمور أخرى عديدة.
البداية كانت مع التسجيل الصوتي لوالد حسام حبيب يتحدث مع إحدى الصحف اللبنانية عن علاقة شيرين وحسام حبيب، ثم خرجت شيرين لترد بقوة في تسجيل صوتي على التسريبات.
وقالت ايضًا في الجزء الأول من التسجيل التي نشرته عبر حسابها على تويتر، قائلة: “عاوزة أطمن كل الناس على صحتى أنا كويسة وحسام زوجي إنسان من أنضف رجالة الدنيا ومتربي وبيحبني أكتر من نفسي وميستهلش منكم كم القساوة دى عشان أنتوا متعرفهوش، هو بنالى شخصيتى ورجعلى ثقتى بنفسى لما كنت مدمرة وحسام بيحبنى أنا وبناتى ومن ساعت متجوزنى معملش أي حاجة، الست حماتى اللى ربت راجل ست عظيمة وأدعو ليا أنا وحسام بالذرية الصالحة وحسام نقى ونظيف”.
وتابعت فى الجزء الثانى من التسجيل: “الفيزا بتاعتي مش معاه وكل الكلام مش مظبوط لأني كلى كده بتاعته زوجي راجل من عيلة وعيلة محترمة أوى ومقبلش أن حد يكلم عليه كده ولا هو ولا والدته،
ولم يصمت بل رد الفنان حسام حبيب على التسجيل الصوتي متوعدًا من فعل ذلك بأنه سيدفع الثمن بالقانون، قائلًا في الفيديو: “أنا مش عارف أقول إيه المفروض إنها صحفية” ثم بدأ تسجيل بصوت الصحفية اللبنانية نضال الأحمدية وهي أول من نشر مكالمة والد حسام حبيب قالت فيه “إحنا اخترقنا هذا الرجل بطريقتنا وبقالنا 6 أشهر بنراقب تليفونه، لأن عندنا معلومات وعندنا مستندات بما يحدث واللى أرسلتها مش مذيعة دا سر، ودا عمل استقصائي”.
ولم تتوقف الأزمة عند ذلك فقط، بل خرج والد الفنان حسام حبيب، وتحدث عن الأزمة التي كان السبب فيها عبر حسابه على إنستجرام، كما وصف نفسه بأنه “عجوز خرف بحكم السن” معرب عن اعتذاره له ولزوجة ابنه المطربة شيرين عبد الوهاب وطالبها بأن تعيد حسام ابنه لجمهوره والغناء من جديد.
ثم تقبل الفنان حسام حبيب، اعتذار والده له بعد أن كتب والده حسين حبيب، رسالة على حساب جديد على “إنستجرام” ولم تمر ساعات إلا ونشر حسام حبيب ردا على حسابه الشخصى على موقع تبادل الصور والفيديوهات “إنستجرام”، متقبلًا فيه اعتذار والده وعلق قائلًا: “وأنا ماقبلش أبدا أنك تقول على نفسك عجوز خرف بحكم السن لأني زي ما بغير على بيتي ومراتي برده غصب عني بغير على أبويا”.
وأضاف حسام حبيب: “مهما أذتني ومهما عملت لأنك عارف أني عمر ماهمني رأي حد فيا يهمني بس رضا ربنا عني وأنا هاعمل زي ربنا سبحانه وتعالى أمرنى (وَأخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا)
