نيللي كريم تعلق على «السينما النظيفة»: البوسة ممكن تبقى حلوة أو وحشة
علقت الفنانة نيللي كريم، على مصطلح السينما النظيفة، قائلة :«أنا مع السينما الحلوة ميهمنيش نظيفة ولا لا حتى لو فيه مشاهد حب المهم القصة ومين المخرج ووجهة نظره أيه، وأنا عملت فيلم 678 بيتكلم عن التحرش وكل المشاهد محدش لمس حد، ومع ذلك المعنى وصل للمشاهدين، والفيلم كسب جوائز كتير أوي».
وأضافت خلال لقائها ببرنامج مايا دياب «بصراحة مع»: «في فيلم يوم للستات وفيه مشهد لإلهام شاهين وفيه علاقة غرامية بتحصل، ومع ذلك أنتي هتقعدي تتفرجي على الفيلم ومش مضايقة، والبوسة ممكن تبقى حلوة أو وحشة حسب الكادر، وزي الأفلام القديمة بتتفرجي على مشاهد الحب وأنتي فرحانة وبتضحكي وعينك فيها لهفة».
وتعد آخر أعمال الفنانة نيللي كريم، هو مسلسل ضد الكسر، الذي عرض ضمن الماراثون الرمضاني الماضي 2021، وشارك في بطولته كثير من نجوم الفن، منهم الفنان محمد فراج، لقاء الخميسي، من تأليف عمرو الدالي وإخراج أحمد خالد.
