المطربة إيناس عز الدين تعلن إصابتها بكورونا اثناء عودتها من المغرب

المطربة إيناس عز الدين تنقل إلى المستشفى بعد أن اشتدت عليه الأعراض

المطربة إيناس عز الدين تعلن عبر حسابها على “فيس بوك”، “الحمد لله حتى الآن أنا حالتي مستقرة إلى حد ما وفى حجر منزلي لوحدى ومش يختلط بأي شخص يلتزم بالإجراءات الوقائية المُتبعة وكل ده طبعاً بالمتابعة مع وزارة الصحة، إلا إذا الحالة ساءت ساعتها بيحصل عزل طبي في إحدى مستشفيات الحجر الصحي وده الإجراء المتبع من قبل وزارة الصحة معايا ومع ناس كتير وده بروتوكول مُتبع فى العالم كله مش في مصر بس أن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل اي مستشفى عادية جنب بيتي”

المطربة إيناس عز الدين نزولي المستشفى وأنا مصابة معناها أنى هعدي كل شخص في طريقي

وتابعت، “نزولي المستشفى وأنا مصابة معناها أنى هعدي كل شخص في طريقي ومافيش مستشفى مجهزة أنها تستقبل حالات إلا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة أنها تتعزل في مستشفى والفيروس ليه درجات فيه درجات بتتابع من البيت مع وزارة الصحة وبتعملها حجر صحي منزلي وفيه حالات تدهور في يدخلوها العزل الصحي بالمستشفيات .. وده نظام متبع في العالم كله وأنا حالتي تستدعي الحجر المنزلي حتى الآن الحمد لله”

وأضافت، “الأعراض معايا كحة جافة جداً نشفان ريق ألم شديد في الحلق مع صعوبة في البلع وألم بحرقان شديد في منطقة الصدر كأن طوبة على الصدر ووهن وضعف شديد وألم في الجسم مع صداع و دوخة بسبب عدم وصول الأوكسجين بشكل كافي بسبب صعوبة التنفس مافيش حرارة حرارتي مش بتتخطى الـ37 ونص و ده لأن الجسم لسه ما وصلش للمرحلة التي تهاجم بشدة من الفيروس فتبدأ الحرارة ترتفع علشان تهاجم الفيروس“.

إيناس عز الدين “مفيش أي داعي للزُعر ولا نشر الهلع بين الناس

وأشارت، “مفيش أي داعي للزُعر ولا نشر الهلع بين الناس أبداااا ولا فيديوهات صريخ وصويت ولطم كل ده بيخوف ويرعب الناس وبيخلي فيه طاقة سلبية تخلي ناس كتير من الخوف تتوهم المرض وتخلي المناعة تضعف لأن العامل النفسي بيرفع المناعة”.

واستطردت، “وزي ما قولت في الفيديو توخوا الحذر واعملوا اللي عليكم ولكن دون فزع أو نشر هلع بين الناس لأن الناس فعلاً مش متحملة انشروا طاقة إيجابية وكلموا الناس عن كام حالة اتحولت من إيجابي سلبي وكأن حالة خفت وخرجت من المستشفى وكام حالة عملت حجر منزلي وحالتها كانت بسيطة وتحسنت وهي في بيتها .. انشروا الطاقة الإيجابية أرجوكم الناس محتاجينها”.

إيناس مافيش نهائي أعراض زي العطس أو الرشح معايا

واختتمت، مافيش نهائي أعراض زي العطس أو الرشح معايا .. مافيش حاجة حتى الآن اسمها علاج كورونا، والإجراءات المتبعة معايا في حالة الألم أو التهاب الحلق أو الصداع أخذ باراسيتامول أو بانادول أو الدول 500 وتقوية المناعة وفيتامين د وفيتامين سي وأكل الخضار والفواكه تحتوي على فيتامين سي زي البرتقال والكيوي والليمون والموز وشرب سوائل دافية والابتعاد عن المشروبات الباردة ووقف السكريات نهائياً.. والفيروس ينتقل ليا وأنا راجعة من المغرب من اسبوعين في الطائرة عن طريق شخص كان مصاب وما قالش وهو كان عارف وتم اكتشاف إصابته لما وصل مصر”.