هاني البحيري أسرار وخبايا في طفولته وحياته لم يصرح بها من قبل

إعداد وحوار / دعاء نصر 

هاني البحيري مصمم الأزياء العالمي ،الذي يسعى دائما ليرفع أسمه بلده عاليا في كل مكان يذهب إليه ، صمم العديد من التصميمات الفرعونية وعرضها في الدول الأجنبية والعربية. ورغم وجود زوجته وأبنته في إيطاليا. إلا أنه فضل العيش في بلده ووسط عائلته ، و يرعى أمه ويكون بار بها .

في السلسلة الخامسة من الحوار الخاص لجريدة عالم النجوم نسلط الضوء على جوانب أخرى وخبايا في حياة المصمم العالمي لم تذكر من قبل.

المرأة في حياة هاني البحيري ؟

هقولك علي حاجة انا متزوح من 2008 وعندي بنت والحمد لله رب العالمين بس انا زوجتي عايشة بره علشان إيطالية مش مصرية. وهي بعد الثورة للاسف الشديد انها يعني سافرت قعدت في إيطاليا.

بس بشوفها أربع مرات في السنة أو خمسة علشان طبعا ظروف السفر وظروف البلد هنا وظروفي انا اقعد مع أمي علشان اعالج. وأطبطب ليها الأولوية الأولي والأخيرة في الحياة يعني عشان هيا صاحبة الحكاية كلها امي ربنا يباركلها العمر والصحة ربتنا علمتنا وصبرت علينا ووقفت جانبنا. أبونا توفي واحنا صغيرين هيا اللي عملت كل حاجة اللي ملوش خير في أمه ملوش خير لا في بنته ولا مراته ، انا زوجتي سيدة إيطالية. وعندي بنت عندها ثمانين سنين ونص في اكتوبر الجاي تسع سنين ان شاء الله طبعا .

حبك للفاشون والأزياء جه ازاي ؟ أمتى هاني البحيري أكتشف أنه عايز يكون مصمم أزياء؟

أنا من طفولتي وانا بحب اعمل فستان للعروسة اللعبة كان ممنوع عليا ان اشتري عروسة لعبة علشان انا ولد. أبويا كان موجه في التربية والتعليم فكان صارم جدا كان أب صارم صعب احنا بس لو حسينا مفتاح الشقة في الباب كده.

لو كنتي فين تقعدي تجري وتقعدي على المكتب أو على ترابيزة السفرة وتفتحي الكتاب حتى ولو فتحاه بالمقلوب بس انتي بتذاكري عارفة الاب اللي هو الصارم ده فا ازاي بقي انا اشتري عروسة وازاي اعملها فستان. فكنت برسم عروسة على البافتا البيضة ، و احشيها بالقطن واعملها بدن وأحط والخيط الأسود اعمله شعر والترتر وده أرسم شبة الشبح كده.

وتبقي جسم عروسة وبعد كده أبدء اعملها فستان ابدا اصمم واقصه واشتغله فستان. وعمري ما انسى ان أضربت مرة بسبب عروسة زي كده كان عندنا عملت عروسة كبيرة شوية اد نصف دراعي كده وعملتلها فستان كبير. وبعدين الصيف جه هنسافر أسكندرية نصيف فبقيت خايف اخبيها فين اخدها معايا لا مش هينفع اخدها معايا فرميتها فوق الدولاب.

فرجعت من السفر نسيت جينا من السفر قعدنا شهر فطفل صغير فنسيت كنت بعمل ايه فالبنت اللي بتنضف أمي واقفة معاها. واقفة علي السلم بتنضف فوق الدولاب فلقتها هههههه فوقعت من علي السلم ومعاها جسم الجريمة انت بتعمل عروسة بفستان انت بتتحدانا. لا تعال بقي فضرب زيادة بقي ودي حاجة من اللي عمري ما انساها يعني ودا لاول مرة بقول الكلام ده علي فكرة.

البحيري .. والدي توفى قبل أن يرى نجاحي وقبل ماحقق أي نجاح أو شهرة 

وبعد كده وللاسف كان منعني اعمل حاجة زي كدة وللاسف الشديد هو توفي قبل مايحصل اي نجاح من نجاحاتي او يشوفني ناجح او مشهور او كده. يعني استغفر الله العظيم يارب يمكن ربنا سبحانه الله وتعالى. عارفة اللي أمن بيا جدا جدا جدا أستاذي في المدرسة في الابتدائي قالي رسمك حلو والوانك حلوة فكمل فنبهني انا بعرف ارسم وبعد كده.

امي قعدت معايا عارفة كان عندها فكر الست اللي هيا متعلمة. ومعاها ماستر ومعاها واخدة دكتوراة في الفلسفة في تعليم الطفل اللي هو ايه تؤمني جدا بفلسفة ان ابنك هيطلع فنان. او مثلا بتساعدي موهبة ابنك اللي كذا بتفكر من حاجة. و30 سنة أو أربعين سنة دلوقت وصلت في الأربعينات فتلاقيني انا امي كانت تفكر معايا بفكر السيدة اللي النهاردة تخرج2020.

اللي هيا شايفة ابنها هيطلع نجم أو هيطلع فنان فبتساعده على هذة تنمية الموهبة بجانب دراسته فا ده دليل. ان كل ام دماغها متفهمة أن لو لقيتي ابنك بيعمل حاجة رسم بيعزف علي حاجة موسيقية بيكتب بيفكر بيلعب كمبيوتر حلو. او بيذاكر علي كمبيوتر معرفش ازاي فانتي تساعديه في هوايته الى ان تصلي معه إلى حاجة بيحبها اوي لتنمي موهبته فا ده أمي ساعدتني فيه حوالي من 40 سنة فكانت بتشتغل على نفسها. وهيا كمان اتجوزت بدري اوي فلا تكمل تعليمها فامي اتجوزت وهي عندها خمسة عشر ونص. فحتي ملحقتش تكمل درجة الثانوي فاوردي فكانت عندها فكر الدماغ اللي هيا الست اللي عندها دكتوراه وماستر.

هل في وقت من الأوقات عملت تصميم ورميته بعني لقيت نفسك غيرك راضي عنه ومش قابله؟

بصي كتير اووي بعمل كده مش علشان كده ساعة ما بنعمل عرض الازياء طبعا مؤخرا بعد ما الواحد بقي عنده ثقافة مختلفة. وعنده كبر وفهم وبقيت بعرض في فرنسا وإيطاليا وفي الدول العربية لا بعمل كولكشن. وطول الوقت في حالة عمل دائم بس برضي عن أية وبسيب ايه مثلا برضي عن 20 فستان وبسيب 5، 6 برضي عنهم مثلا 80 فستان وبسيب 30 فستان مش بسبهم برميهم بس بقول أية دول لسه لم يكتملوا.

يعني مثلا كده من سنتين او ثلاث سنين كان عندي مهرجان (كان السينمائي) وكان عندي تونس الخمسة الذهبية الخمسة. الذهبية دي عندهم اللي هما الاصابع الذهبية عندهم ده مهرجان بقاله حاجة. وتلاتين سنة فاختارني انا امثل الخمسة الذهبية كان قبل كده مصممين ازياء كبار اوووي في العالم.

هما اللي بيعملوه معاهم كل سنه في تونس فانا قولت لنفسي انا عندي حادثين كبار اوي فلازم اروحلهم معايا حضارة مصر فعملت فستاتين فرعوني. حاجة محصلتش شباب واولاد عملت فساتين سوارية في فستان من الفساتين مكنتش موافق عليه خالص فسبته سبته عدي 2015 و2016 و 2017 ، 2018 عرضته في 2019. شوفي بقي هو مش وحش بس انا قعدت اعمل حاجة لحد ما استوى معايا اللي هو استوي فكرة الفكر بتاعته طلع في الحتة دي فجيت عند الولد اللي ماسكه. وقولتله ايه رايك دلوقتي ولا قبل كده قالى لا طبعا دا انا وانا كنت بعمله كنت بقول ده افشل فستان طلع احلي فستان عملته فكر مختلف تطريز .

مختلف الفنشن مختلف قالي يا استاذ هاني انت ليك دماغ تانية لكن مش لما بيطلع فستان وحش برميه انا مش برمي فساتين نو واي. ليه بقي بعمله عن دراسة بس ممكن لم يكتمل الفكر بتاعه فبخليه شوية. زي ماتقولي كده اجمد فيتجمد لدرجة احط الفستان على المانيكان شهور وافضل رايح جاي أبص عليه.

بس لحد ما ربنا يفتح عليه ان الحتة دي تتعمل ازاي والحمد لله ربنا سبحانه وتعالي عنده ملكة معينة يعطيها لكل حد في حتة فبتشوفي الطبيب بيصرفله يعالج مظبوط ويصرف العلاج الصح الفنان يقول الجزء بالمسلسل. مثلا. او في الفيلم يقنعك بيها جدا ده برده من عند ربنا مهما كان يحفظ الدور ده وده برضه ملكة فالملكة دي كل واحد ربنا سبحانه وتعالي بيصرفها فالبني ادم في حتته باللي ربنا عاوزة.

طيب في تصميم عملته لفنانة الناس قالتلك حرام عليك فطرتنا في رمضان؟

عمري ماعملت حتي بصي علي شغلي عمري. انا امبارح بالصدفة ببص علي روتانا كلاسيك فشوفت فستان في فيلم أنا عمري يعني. انا ممكن معرفش الفستان ده رايح لمين فكنت اصغر من كده حوالى من 10 سنين في فيلم من افلام اللي هو أفلام السبكي. عندي لمحة كده عند علاقاتي مع الاستايلست كويس اووي ممكن واحدة تقولي انا عاوزة فستان علشان عندي مشهد في فيلم كذا علاقتي بيهم كويسة وببص علي الفستان.

قولت الفستان ده بتاعي انا والله العظيم مش عارف دا بتاعي ولا اية بس قعدت اقول اية قعدت لاخر الفيلم لقيت مكتوب فستان الفرح اهداء من الفنان هاني البحيري حتي انا معرفش مين اللى كانت لبساه. والله العظيم ممكن تكون جومانا مراد او مين من الفنانين اللي بيعملوا افلام مع السبكي بس انا عمري ماعملت فساتين تخدش الحياء عمري.

 يعني انا دايما في بالي مقولة بتقول اية انا بحب المرأة واحب اخدمها واحب ان انا اشتغل على عقل وجسد المراة. عقلها اديها اخر موضة ألوان حلوة موضة تليق عليكي شكلها لطيف شكلها مناسبة للموضة العالمية شكلها مناسبة عليكي. واحافظ على جسمك مقولكيش تحفة علشان عريان تحفة قصير تحفة مبين الجانب عمري ماعملت كده ومش هعمل كده مع احترامي يمكن انا اكتر حد من مصممي الازياء. لما تشوفي الفساتين الفاشون لا لا يعني الاستاذ مفيد فوزي مع احترامي انا مش بشبه حاجة بحاجة بس لما كان في فنانة ما لبست فستان ما في مهرجان كان في جزىية مش لطيفة اصل الفستان عريان اصل البطانة مش عارفة اية .

مفيد فوزي ” اللي شوفته عند هاني البحيري في الديفليه لا فستان يجرح العين ولا يجرح القلب ولا يجرح المشاعر”

فكان الأستاذ مفيد فوزي كان عندي في الديفليه بتاعي قبل المهرجان فقال في مقالة كده مع بنته مدام حنان مفيد فوزي بيطلع معاها كده في مقالة أسبوعية اسمها حنان مفيد. قالتله اية رايك في فلانة اللي لابسه فستان كذا قالها لا دا كان فج انتي خدتيني عن صديقنا. و حبيبنا الفنان هاني البحيري وشوفنا فساتين على الموديلز ولا فستان يجرح العين ولا يجرح القلب ولا يجرح المشاعر وكلهم موديلز وبعدين دي شهادة.

بصي حضرتك اصل انتي متاح ليكي تعملي على الموديلز كل ماهو يحلو ليكي انتي حره دي شماعة جسمها مش عليه ديفو انا اسف في اللفظ برده. لا صدرها كبير ولا هنشها ممتلئ ولا رجليها الفخاد معرفش اية يعني هيا عمود قصب او عود قصب الموديل دي مقاس 36 انا ممكن اعملها دكولتين معرفش ازاي أو أبين الهنش ازاي انا مبعملش كده انا اكتر حد بعمل بطانات للفستان وبعمل كاب في الفستان علشان ربنا ، تعالوا ياجماعة هو الفستان كده شفاف طيب الفستان كده انا برضه مش اولا مش عاوز اعمل حاجة تخدش الحياء العام بحافظ على عقلك وأحافظ علي جسدك فلازم احترم عقلك عقل المرأة اعطيها شياكة او موديل ، وجسدك ليه اخليك عريانة عمري ماعملت كده ومش هعمل كده.

انتظرونا مع مصمم الأزياء المصري العالمي هاني البحيري وسلسلة خاصة من الحوارات الحصرية فقط مع عالم النجوم