مش بخاطري ولا بكيفي … بقلم : الشاعر الغنائي حماده العسكري
مش بخاطري ولا بكيفي
تعالي شوفي بنفسك حالي
فجأه لقيت حبك فيا
لا بإديا ولا على بالي
ما انتي تتحبي صراحه
في قربك راحه بعيد وخداني
واحده واحده وبراحه
قولي لحبك يهدى ثواني
كنت جامد وأنا سنجل
شايف نفسي روميو زماني
ولا بتلغبط وأتبرجل
ولا صاحي بشوق قلبي ليالي
عامله لبنات جيلك أزمه
لعينيكي رسمه لايقه عليكي
بتعدي كده زي النسمه
تخطفي كل الأنظار ليكي
أجمل شفايف مبتسمه
من حسنك عايز أرقيكي
هو بجد اللي حصلي
حد يقولي في اي مالي
لو تسمحي قربي أكتر
متخليش بنا مسافة
بيكي طعم حياتي سكر
والفرحه بتكون متشافه
لو في لحظة مودي إتعكر
فيكي بفكر أنا بتعافى
وألاقي قلبي بيتنطط
وأبقى مزقطط ومزاجي عالي
مش بخاطري ولا بكيفي
تعالي شوفي بنفسك حالي
