علاء مرسي لـ عمرو الليثي.. “خالد النبوي أكثر موهبة حاليًا”
كتبت/ مادونا عادل عدلي
كان الفنان علاء مرسي، ضيفا في الجزء الثاني من برنامج “واحد من الناس” للإعلامى عمرو الليثي المُذاع على قناة الحياة
وتحدث الفنان خلال الحلقة عن الفنانين الذى يحب تمثيلهم ويرسمون الضحكة على وجهه قائلاً: “بضحك لما بتفرج على أعمال الفنان محمد هنيدى، وبحب كمان التمثيل مع كريم عبد العزيز، والأكثر موهبة في الوسط في الوقت الحالي هو الفنان خالد النبوي.
وقال علاء مرسي: “المجاملات في الفن ضيعت حياتى وأخرتني كتير، وكمان النحت فى السينما ضيع موهبتى، وإن 50% من أعمالي نحت بمعنى أنني أقبل أى عمل سواء لكسب المال أو المجاملة.
وأكد علاء مرسى: “5% يحصلون على الملايين، وأنا أعترف بأنى من أعظم الممثلين الموجودين موهبة على مستوى العالم، ولكن مش شرط آخد الملايين ممكن أكون عظيم بس مليش سعر في الشغل لأن في نجم بيبيع وفي ممثل عظيم، وفى نجوم مبتعرفش تمثل وبيكون نجم كبير جدا، مثل، نبيلة عبيد ونادية الجندى وأحمد حلمى ودرة، دول نجوم لكن مش بيعرفوا يمثلوا، وأحمد حلمى من النجوم الموهوبين حضورا وذكاء واختيارات.
وتابع علاء مرسى: “محمد رمضان ممثل مهم وموهوب ودماغه في حتة تانية مليش دعوة، أنا بتكلم موهوب في التمثيل ومليش دعوة بالغناء، وأنا أعتقد أن اللى بتخض قدامه في التمثيل أحمد آدم، ممثل خطير وموهوب موهبة غير عادية، ومفيش حد نمبر وان، ومفيش حد نمبر وان ولا حتى عادل إمام زعيم المهنة والنجم الوحيد اللى حافظ على نفسه وسيحافظ عليها مدى الحياة.
وأردف إلى ان ترتيب الفنانين من حيث الموهبة بالنسبة له، فى المركز الاول عادل امام ثم احمد ذكى و بعدهم نور الشريف و محمود عبد العزيز مستوى واحد.
