هند سعيد صالح: والدي كان بيصلي على خشبة المسرح
علقت ابنة الفنان الراحل سعيد صالح على الصورة المنتشرة للمصلين على ريد كاربت مهرجان القاهرة السينمائي والتي أثارت جدلا على مواقع التواصل الاجتماعي في الفترة الأخيرة.
وكتبت هند سعيد صالح عبر صفحتها الشخصية على موقع فيسبوك تعليقا على هذه الصورة: بابا الله يرحمه في آخر كام سنة من حياته اشتغل فيهم مسرح كان بيوصل المسرح بعد المغرب بشوية، لأنه كان بيحب المسرح كمكان أكتر من إنه رايح يشتغل، وكان لما العشاء بتأذن كان بينادى فنانين على عمال على مساعدين مخرج ويقفوا كلهم يصلوا العشاء جماعة على خشبة المسرح.
وأضافت هند سعيد صالح: الخشبة اللى ممكن تكون من وجهة نظر البعض مش مكان مناسب للصلاة لكن اللى عايز يصلى بيصلى فى أى مكان لأن ده فرض عليه واللى اشتغل مع بابا مسرح ممكن يأكد كلامى ده.
