صلاة المؤمنين – دين الغلابة … من ذكريات 2015 بقلم : عمرو نوار
بنصلى بس لربنا
..من قلبنا
على قدنا
ماحناش شيوخ متعلمة
ولا آباء متكهنة
نطلب سماح
..يغفر لنا
أصل الذنوب
مش ذنبنا
بنصلى بس لربنا ..من قلبنا
على قدنا
وقت الآذان
ينده لنا …
رنة جرس
بتلمنا
احنا تمام
مع نفسنا
نرفع ايدين
تسجد جباه
شاربين ايماننا
ف عضمنا
بنصلى بس لربنا
..من قلبنا
على قدنا
اصل الوضوء
مش مية تحت
ومية فوق
احنا وضوئنا
حبنا ..
طاهر كريشة
سوسنة
طاير
وهايم ف السما
حاسين بقربه مننا
مايهمهوش
صف الصفوف
همّه
صفاوة قلبنا ..
دى صلاتنا ..
ف شرعنا ..
وده كلام ..
امام مساجد ..
حينّا ..
نصلى بس لربنا
على قدنا
من قلبنا ..
