الموديل “نورهان أحمد” تضئ مجال المودلينج و تطمح في تأسيس البراند الخاص بها
حوار / آيه سالم
مين هي نورهان أحمد ؟
نورهان أحمد حامد مواليد محافظة السويس عام 2004 و دراستي تجارة و هواياتي أحب أن يقوم الأخرين بألتقاط الصور الخاصة بي و أحب مجال المودلينج و موهبتي الغناء .
متي قمتي بإكتشاف موهبة الغناء ؟ و ما هي رحلتك مع الغناء ؟
في الحقيقة أصلاً أنا كنت بلعب كاراتيه و كنت شاطرة جداً و كان فاضل الحزام الأسود بس فاجأة ظهر الغنا في حياتي و كان نفسي أغني أوي و في يوم كنت رايحة التمرين و ماشية في النادي و سمعت صوت حد بيغني و عزف و بصيت من الشباك لقيت فريق و مايسترو بيعزف و كان نفسي أشارك معاهم فكان لازم أركز في حاجة واحدة و بصراحة نفسي أغني فمبقتش أركز في الكاراتية و بدأت في الغناء .
رحلتي في الغناء بدأت لما صوتي كل شوية كان بيتعدل و بدأت أطلع حفلات تبع الشباب و الرياضة بالسويس و أشارك في مسابقات و روحت لكذا مايسترو في السويس و كنت حابة أقول حاجة إحنا عندنا تراس بلدنا السمسمية دي أله حلوة أوي و الأغاني بتاعتها تحفة روحت لفريق مخصص للفن دا و شاركت معاهم و طلعنا حفلات كتيرة في الأوبرا و شاركنا في لقاءات في التليفزيون و شاركنا في مسابقة شرم الشيخ و حصلنا الحمدلله علي المركز الأول و طبعاً السمسمية معروفة في إسماعيلية و بورسعيد محافظات القنال ، المهم بس حصل مشاكل صحية للمستر و مبقاش حد بيروح ففقدت الشغف في الغناء الحقيقة معرفش ليه بصراحة بس كل الفرص اللي كانت بتجيلي بتكون في القاهرة زي مثلاً إعلان لرمضان أو مسلسل و هكذا بس السفر كان هيبقا صعب علي ماما كل يوم ففقدت الشغف .
كيف كانت بدايتك نحو المودلينج ؟ و ما هو طموحك و هدفك ؟
بدأ حوار المودلينج لما كان في فوتوجرافر كذا مرة يكلمني و أنا مكنتش برد لأن أنا مش في المجال بس كلم زميلتي رسامة و قالها البنت دي بتعرف تتصور و عايز أعمل معاها سيشن وهي كلمتني و بدأت إن أبقا مودل و أنا 14 سنة و من هنا بدأ ناس كتير تكلمني نشتغل مع بعض ك موديل ميك أب و فاشون و عملت سيشن بجد هو من أحلي السيشنات اللي عملتها كان ميك أب إسراء علي و شعر منه يس و دريس أسماء شاهين و فوتوجرافر مصطفى خالد بجد كان تحفة و إتعمل حرفياً في نص ساعة و مازالت أنا في مجال الموديل .
طموحي إني نفسي أشارك في عرض أزياء و اللي نفسي أعمله بجد يبقا في براند بإسمي و هيحصل إن شاء لله و طبعاً أنا متكلمتش في details أوي بس في كل الفترات اللي عشتها في المجالات دي أكيد كان في إنتقادات و حاجات كتير و قابلت ناس كتير أوي في الحلو و الوحش بس أي حاجة حصلت موقفتنيش علي اللي أنا عايزاة بس إن شاء الله أرجع قريب للغنا و أحقق حلمي في مجال المودلينج .
