تيجي ننسى أي وعد
نمشي أول خطوه بــُـعد
إحنا مش نافعين لبعض
إحنا بينا فروق كتير
تيجي نمحي الإشتياق
آه نعجل الفراق
يبقى أول إتفاق
بينا بعد خلاف كبير
يلا ننسى ها الحياه
نرمي طوبة حب تاه
نمشي عكس الإتجاه
أو نغير خط سير
كل يوم بيموت شعور
يعلى بينا ألف سور
حل تعقيد الأمور
نفترق ولعله خير
حزننا جاي بعد سعد
من نسيم لمطر ورعد
كل عِند نهايته بــُـعد
هو ده الناتج الأخير
حــُـبنا بقى بحر جاف
كل يوم ٦٠ خلاف
خلينا نبعد لــُـطاف
وعد أفتكرك بخير
يلا ننسى ها الحياه
نرمي طوبة حب تاه
نمشي عكس الإتجاه
أو نغير خط سير
كل يوم بيموت شعور
يعلى بينا ألف سور
حل تعقيد الأمور
نفترق ولعله خير
لمتابعة المزيد زروا صفحتنا على الفيس بوك 👇
https://www.facebook.com/share/1H51ao4C9e/
