من مذكرات سندريلا الشاشة ” مشكله حياتي ان الفن دمر كل حياتي”
سندريلا الشاشة العربية سعاد حسني ، كتبت في مذكراتها من لندن عام 99، لطبيبها دكتور عصام عبد الصمد قائلة بكل حزن وأسى تلك الكلمات :
انا يا دكتور اشتغلت اكتر من تلاتين سنه وعملت تمانين فيلم قعدت عمري كله مخلصه للفن حقيقي ادتله حياتي و مجهودي و مشاعري كان كل حاجه بالنسبه ليا،
لما كنت بشوف اعجاب الجمهور بالفيلم كان بيهون عليا كل التعب اصلي بحب اخرج العمل باحسن صوره ممكنه وده عيبي الوسوسه ثم تغير قعدتها لتستريح قليلا وكانها احبت ان تكون صريحه اكثر.
بس عارف اول ما بروح لشقتي الي في الزمالك و اقعد علي الكرسي هلكانه من التعب بعد يوم تصوير طويل واغمض عنيا واسمع دوشه ولاد الجيران،
اكتئب و ازعل و اغضب واسئل نفسي هو انا ليه معملتش حياه عاديه زي دي اهو انا قاعده اهوه الفن مش هيدق علي بابي بس الولاد هيعملوا ده اخلاصي للاعمال و الفن و السنين جريت و لقيت نفسي مليش حد،
كل الي قبلتهم خانوني و خذلوني. كل الي اتجوزتهم حتي الي حبيته قتلني و خذلني انا مش كبيره يا دكتور بس عجوزه اوي من جوه او ممكن تقول ميته بس قايمه بدور سعاد حاجه كده زي فيلم ناديه بس انا بقي زوزو.
متكتبليش دوا لعلاج الاكتئاب يا دكتور انا كويسه بس اكتبلي دوا للعلاج من الناس عشان دول اخطر من الاكتئاب.
