يارب عدلها..المرة بدلها..والفرحة عجلها .. بقلم: حمادة العسكري
يارب عدلها
المرة بدلها
والفرحة عجلها
يارب سهلها
يارب صبرني
على حالي قدرني
جراح بتكسرني
جوايا أنا شايلها
يارب قويني
خلصت دموع عيني
للبر عديني
والفرحة كملها
من مري وعذابي
و اللي بيجرالي
وحيد قافل بابي
والوحدة أحلالي
من لمة ع الفاضي
وضحكة من برة
وشوش بتتلون
في الثانيه ١٠٠ مرة
أقرب ناس ليا
في ضهري طاعنيني
أذوني أذيه
وإسمهم مني
أه من السنين
وأهين من الدنيا
بنام مغمض عين
ومفتح التانية
