الطفلة ضي أحمد صاحبة المواهب المتعددة

ضي لها العديد من المواهب التي أستطاعت أن تجذب إليها الأنظار وتخطف ببرائتها الأضواء، ضي طفلة عمرها خمس سنوات و9 أشهر، من محافظة دمياط، لديها من الأخواة الصغار أثنين سليم وصبا، أستطاعت في هذا السن الصغير أن تتمكن من أكثر من موهبة وتتقنها ببراعة شديدة، ضي تعشق دخول المطبخ منذ أن كان عمرها ثلاث سنوات ، أول أكلة قامت بصنعها هي البيتزا.

فهي تعشق عمل المعجنات، ولها قناة علي اليوتيوب أسمها “Dahi ahmad”،

هوايات ضي احمد

ولها هوايات أخرى مثل الرسم، والغناء، والسباحة، وتحفظ من القرآن “جزء عم”، تهوى أيضا التعليم، و علي حساباتها الشخصية بمواقع التواصل الإجتماعي فيديوهات لتلاوة القرآن الكريم، وأخرى لتعليم الأطفال في مثل سنها باللغة العربية واللغة الإنجليزية.

وبسؤال والدة الطفلة ضي عن بداية حبها لمجال الطهي قالت: (( ضي من وهي عمرها 3 سنين كانت بتشوفني بقف في المطبخ، كانت ديما لما تشوفني اعجن عايزة تمسك العجين، ولما اقف عايزة تمسك تقلب وتقطع بس انا طبعا كنت بمنعها علشان خايفة عليها، ومش بكون حابة انها تقف علي البوتوجاز او تحط الحاجة بنفسها ولكني كنت بمانع وكتير كنا بنتخانق بسبب الموضوع ده وباباها دايما بيشجعها ويقولها أكلك حلو))

وعن هوايات ضي الأخري قالت أمها ؟

“ضي لها أكتر من هواية وبحاول بكل الطرق أنظم لها وقتها مابين فيديوهات الطبخ وفيديوهات القران والفيديوهات التعليمية وهي مبسوطة جدا انها بتعمل ده وانا طبعا بشجعها على ده لان حضرتك عارفة ان الطفل بطبعه مش بيحب التقيد وهي بتعمل ده بحب، غير انها ذكية جدا وعندها قدرات وبتحفظ كويس وبتعرف تتكلم، و دايما معوداها علي إنها تستغل وقتها في حاجات مفيدة بدل اللعب علي التاب والكرتون، لأن هي كمان بتحب السباحة والنشاط توقف لما حصل موضوع الكورونا، فبدأت أنظم لها وقتها مابين حفظ القرآن والمذاكرة والفيديوهات، وكمان بتحب تتفرج علي ناشونال جيوغرافيك وبتسألني عن كل التفاصيل

وأحيانا مش بعرف أرد على أسئلتها، وعندها كمان ميول للموسيقي، وبتحب تحفظ المقطع وتردده”
وعن طموح ضي في المستقبل قالت والدتها ؟
“ضي حابة لما تكبر تكون دكتورة، بتقول عايزة أكون دكتورة في كل حاجة، شكلها عايزة تبقي جراحة عامة”