أنا اللي أبويا علمني .. بقلم الشاعر الغنائي: حمادة العسكري
أنا اللي أبويا علمني
ورباني وكبرني
من صغر سني علمني
أقدر اللي قدرني
علمني أنسى اللي نساني
وأي موقف إنساني
مااندمش يوم اني عملته
حتى لو صاحبه أذاني
وإن الصاحب ده مواقف
وسط النار تلاقيه واقف
مش قعدة حلوة هتجمعكوا
دي كلمة كبيرة ليها معاني
إللي عايزك هيحارب
هيعدي البحر بقارب
واللي بايعك هيبيعك
لو من شهدك كان شارب
علمني دروس بتنفعني
مااشتريش إللي يبيعني
ولو في الشدة بقيت وحدي
أفوت وأعدي وإيه يعني
علمني أحرس ولا أخون
قالي الوشوش بتتلون
فهمني ماأخادش بالظاهر
وإن المواقف بتبين
ماأقولش لحد نقط ضعفي
وأداري على شمعي لا يطفي
وإن قدرت في يوم أعفي
ماأكونش قاسي وأكون لين
إللي عايزك هيحارب
هيعدي البحر بقارب
وإللي بايعك هيبيعك
لو من شهدك كان شارب
