الفنان مجد القاسم يكشف عن أمنيته لـ عام 2025: أتمنى ربنا يديم الأمن والأمان والإستقرار ودوام التقدم
الإعلامية / ميادة محمود
عبر الفنان مجد القاسم في حوار خاص مع عالم النجوم عن أمنيته لعام 2025 .
قال القاسم : أتمنى ان ربنا يديم الأمن والأمان والإستقرار ودوام التقدم لان إحنا الحمد لله أخر 10 سنوات حصل تغير جذري في مصر والحمد لله بقت من مصاف الدول الكبرى .
ثم أضاف: وبالنسبة لبلدي سوريا أتمنى طبعاً ترجع سوريا كما كانت بأمنها و بعزها ان شاء الله بإذن الله الأيام الجاية يبقى خير لمصر ولكل الوطن العربي .
أما عن ما يخص حياته الفنية فقال: طبعاً أمنياتي الفنية عندي أعمال كتير نازلة أتمنى ان ربنا يكرمني فيها ان شاء الله في 2025, وتبقى مكللة بالخير والنجاح ان شاء الله، و أكيد بتمنى ان كل أعمالي تلاقي صدى كبير لدى جمهوري سواء في مصر أو في الوطن العربي كله، وخصوصا ان أنا بختار دايما أعمالي بحرص شديد علشان يوافق كل الأذواق إللي موجودة حالياً، ودايما حب الناس ليا وجمهوري أكبر داعم إني أقدم أفضل ما عندي .
وبسؤال الفنان مجد القاسم عن أعماله القادمة: قال عندي أعمال كثير جاية ان شاء الله بحضر لها ومن ضمنها أغنية اسمها «سكرة»، وأغنية اسمها «يا ويلي ما أجمل»، وأغنية أسمها «عارف»، ربنا يكرمنا فيهم ان شاء الله .
وعن حياته وأمنيته الشخصية قال: يمكن حياتي الشخصية مابتختلفش عن حياتي الفنية دائما أمنياتي هي بالخير لكل حد وكل حاجه أنا بعملها، بس اكيد كأمنيات شخصية ان ربنا يكرمنا ويديم علينا الستر والصحة وعلى أولادي وأهل بيتي وزوجتي، ويديهم الصحة والعافية .
وختم الفنان مجد القاسم حديثه قائلاً: ربنا يوعدنا ببلدنا سوريا بعهد جديد كله رخاء وتفائل وخير وان كل الناس تعيش سواسية، وربنا يكرمنا بقياده جديدة ان شاء الله قيادة حكيمة تكون كل الناس فيها تحت سقف القانون وكل دي هي أهم أمنياتي لـ 2025 .
