أسما شريف منير: الست عبارة عن هرمونات
كتبت / مادونا عادل عدلي
كشفت أسما شريف منير عن رأيها في الزواج، وأهمية زواج المطلقة مرة أخرى بعد انفصالها عن زوجها، وذلك من أجل الونس أو وجود رفيق في الحياة مع تقدم العمر.
وقالت أسما شريف منير خلال حلقتها في بودكاست «يمنى النهاردة» عن رأيها: «الزواج يعف السيدة المطلقة، وهي بالفعل عبارة عن هرمونات، وتتعرض للاغراءات وهناك أشخاص شريرة تستغل احتياج المطلقة».
وتابعت عن تغير البعض محتوى تصريحاتها: «الناس أخذت حديثي بشكل غير الذي أقصده، فأنا أتحدث عن الونس والطبطبة، والسيدة بطبيعتها كلما تكبر، تزهد أشياء كثيرة في الدنيا».
وكانت قد نشرت أسما صورة جديدة لها وهي ترتدي الحجاب عبر «انستجرام»، وعلقت عليها قائلةً: «شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، بيحس إنه لازم يصد عني أي أذى.. وكبرت وأنا بسمع أبويا بيحكيلي إزاي أصون جسمي، إزاي كأب ممكن يضحي بنفسه علشان يحافظ عليا».
وتابعت: «طب لو دي مشاعر جوزي وأبويا.. أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟.. ربنا ببساطة قاللي: غطي نفسك».
وأنهت حديثها وقالت: «دا مش علشان يخنقني ولا يضيق عليا، بالعكس.. علشان يكرّمني، يصون قلبي قبل جسمي، ويحميني من نظرات ممكن تجرحني أو تكسّرني».
