بعد حادث فتاة الواحات.. ياسمين الخطيب: التحرش مازال موجود بسبب مشايخ يبررون استباحة غير المحجبات

علّقت الإعلامية ياسمين الخطيب على حادث فتاة الواحات، مؤكدة أن مصر حققت خطوات مهمة في مكافحة التحرش خلال السنوات العشر الأخيرة بفضل القوانين التي تفرض الحبس والغرامة على المتحرشين، إلا أن الظاهرة مازالت مستمرة بسبب بعض الخطاب الديني والاجتماعي.

وقالت ياسمين الخطيب، خلال برنامجها “مساء الياسمين” المذاع على قناة الشمس: أنا حزينة إن البنت اضطرت تبرر إنها محجبة ومحتشمة.. المشكلة إن لسه في مشايخ بيطلعوا يقولوا إن غير المحجبة مستباحة، ولسه في ناس بتسأل: إيه اللي يخرجها كده؟ أو إيه اللي يخلي البنات يروحوا يشربوا قهوة الساعة 7 الصبح؟”.

وأضافت:لا يا بنات، البسي اللي إنتي عايزاه وروحي اشربي قهوتك الساعة 7 الصبح، لكن الأخطر من التحرش في الشارع هو التحرش اللي بيتم في أماكن العمل والبيئات المغلقة، لأن الضحايا هناك بيخافوا يتكلموا”.

وأكدت ياسمين الخطيب أنها شخصيًا لا تتردد في مواجهة مثل هذه المواقف:اعملي زي ما أنا بعمل، خدي حقك فورًا.. وقتيه بظهر إيدك وعلى وشه”.