ميرنا نور الدين: “مفيش راجل مثالي ولا ست”.. وتوضح مواصفات فتى أحلامها في برنامج “أون سيت”
كشفت الفنانة ميرنا نور الدين عن رؤيتها للعلاقات العاطفية ومواصفات شريك حياتها، وذلك خلال لقائها مع الإعلامية لميس الحديدي في برنامج “أون سيت” المذاع على قناة ON.
وقالت ميرنا: “مفيش راجل مثالي ولا ست مثالية، الكمال لله وحده، لكن اللي يهمني في شريك حياتي إنه يكون بيحبني بصدق، ويخاف عليّ، ويكون بيحترم شغلي، ويدعمني فيه كمان، وده بيبان في المواقف مش الكلام.”
وأشارت إلى أن الحنان والطيبة من الصفات الأساسية التي تبحث عنها في الرجل، مؤكدة: “أنا بحب الراجل اللي قلبه طيب وحنين، واللي بيبقى سند بجد، مش بس في الكلام، لكن كمان وقت التعب والشغل والضغط.”
وأضافت ميرنا أن أهم ما يربط بين الرجل والمرأة هو لغة التفاهم، قائلة: “التفاهم هو الأساس، لو في تفاهم كل حاجة ممكن تتعالج، إنما لو مفيش، هتفضل الخناقات على حاجات تفهى ومفيش راحة.”
وتفاعل الجمهور مع تصريحاتها على مواقع التواصل الاجتماعي، حيث أشاد كثيرون بصراحتها وببساطة فكرتها عن الحب والعلاقات، مؤكدين أنها تعبر عن واقع يعيشه كثير من الشباب والبنات.
وتعد ميرنا نور الدين من الفنانات الشابات اللاتي أثبتن أنفسهن في الدراما المصرية خلال السنوات الأخيرة، وحققت نجاحًا جماهيريًا من خلال مشاركتها في عدد من الأعمال البارزة، من بينها “حكايتي”، و”نصيبي وقسمتك”، و”حرب الجبالي”.
