طاير بدون جناحات

كتبت / هناء علي

طاير بدون جناحات
الحلم فيا يبات
ويقولي: هتعافى
من الفجر صحاني
والدعوه يا أصحابي
من القلب تأويني
وايماني باإلهي
ده لوحده قواني
ورجعت اقوم تاني
مُر المرض طول
مستنينًّي اتحول
واضعف واقع على الارض
وحلفت هتحمل
وهسيب أمل للناس

الشده بتحول
وتغربل الايام
فعرفت مين جنبي
وعرفت يومها انا مين ..
اتخلى عني أوام
♡♡♡♡♡
يوم ما المرض صابني
فا أنا ربنا اختارني
و وهبني طاقه نور
ما احتاجش أدويه
ولا حتى للدكتور
باإرادتي وإيماني
أنا قادر اتعافى
والباقي دول أسباب
لازم ناخد بيها
♡♡♡♡♡
الروح بتستقبل
آلم الجسد بالرضا

وإرادتي متمرده
مش قابله إني اضعف

والبسمه دي ممرضه
بتهون الاوجاع

اصل المرض لو جاع
جايز يشوفني ضعيف يبدأياكل فيا

وانا أصل قلبي شجاع
وإرادتي دي قويه

قادره تواجه : ( مرض أو عجز أو خذلان )
ما أخترتش إنى اهرب
أو يبقى قلبي جبان
مش سهل يعني أبان
ادامكوا يوم تعبان
رغم الآلم قاسي
عارفين …عارفين ايه الأقسي
من وجعي يا اخواتي؟
“يوم ما احتجتوكم جانبي ما لقيتش أيد فيكم”
عارفين أى إحساسي !!
أنا يومها أنسيتني أوجاعي ما سابتنيش
بس انتم سبتوني.
أنا يومها أنا نسيتني ونسيت كمان مرضي
والله ما نسيتكوش.
♡♡♡♡♡♡
طاير بدون جناحات
ودي معجزه يا ربي
جناحاتي فارقوني
ومر الآلم صابني
لكن بقلبي هطير
وانا روحي بترفرف
وتقلد العصافير
شاوروا لي يومها الناس
وقالوا لي انت امير ؟
معقول تكون البطل
جاي تعلمنا ..
واحنا بدون جناحات
أزاي قلوبنا تطير ؟!
فجاوبت :
بالايمان بالله هنستقوى
ونكون كمان أقوى..
وتقدر قلوبنا تطير
وتسابق الأيام
وتسابق العصافير